শনিবাৰে পুৱা ইছলামিক ষ্টেটৰ (IS) সন্ত্ৰাসবাদীয়ে আফগানৰ ৰাজধানী কাবুলৰ এটা গুৰুদ্বাৰত আক্ৰমণ চলায়। এই আক্ৰমণত কাৰ্তে পৰৱান গুৰুদ্বাৰাত এজন নিৰাপত্তাৰক্ষী নিহত হয়। নিহত লোকজনক ৬০ বছৰীয়া শ্বৱিন্দৰ সিং বুলি চিনাক্ত কৰা হৈছে। আন এজন লোকো এই আক্ৰমণত নিহত হোৱা বুলি কোৱা হৈছে।
শিখ সম্প্ৰদায়ৰ আন কেইবাজনো সদস্য ঘটনাটোত আৱদ্ধ হৈ থকা বুলি ধাৰণা কৰা হৈছে।
জানিব পৰা মতে সন্ত্ৰাসবাদীসকলে ভাৰতীয় সময়মতে পুৱা ৮.৩০ বজাত গুৰুদ্বাৰত প্ৰৱেশ কৰিছিল। গুৰুদ্বাৰাৰ সন্মুখত এটা বিস্ফোৰণো সংঘটিত কৰা বুলি জানিব পৰা গৈছে।
লগতে পঢ়ক: Covid-19 Update: দেশত দৈনিক কৰ’না আক্ৰান্তৰ সংখ্যা ১৩ হাজাৰ অতিক্ৰম; বৃদ্ধি সক্ৰিয় ৰোগী
বাতৰি অনুসৰি উগ্ৰপন্থীসকলে যেতিয়া গুৰুদ্বাৰত আক্ৰমণ কৰিছিল তেতিয়া প্ৰাৰ্থনাৰ বাবে গুৰুদ্বাৰৰ ভিতৰত ২৫ ৰ পৰা ৩০ জন শিখ তথা হিন্দু লোক উপস্থিত আছিল। আক্ৰমণৰ পিছত কিছুমান লোক পলাই যাবলৈ সক্ষম হয়। অৱশ্যে বহুতে এতিয়াও তাত আবদ্ধ হৈ আছে বুলি কোৱা হৈছে।
সূত্ৰসমূহৰ মতে গুৰুদ্বাৰত এতিয়াও ৭ ৰ পৰা ৮ জন লোক আবদ্ধ হৈ আছে। খবৰ অনুসৰি আক্ৰমণটোত তিনিজন তালিবান যোদ্ধা আহত হৈছে। আনহাতে, আক্ৰমণকাৰী দুজনক আৱদ্ধ কৰি ৰখা হৈছে।
ইয়াৰ পূৰ্বে, ভাৰতে আফগানিস্তানৰ কাৰ্তে পৰৱান গুৰুদ্বাৰৰ পৰা শিখসকলক উদ্ধাৰ কৰাৰ প্ৰস্তাৱ দিছিল। অৱশ্যে শিখসকলে আফগানিস্তান এৰিবলৈ সন্মত হোৱা নাই।
লগতে পঢ়ক: Flood in Assam: হৃদয় বিদাৰক দৃশ্য! কলৰ ভুৰত নদী পাৰ হৈছে অশীতিপৰ আইতাই
ইপিনে ভাৰতে এই আক্ৰমণৰ ঘটনাকলৈ উদ্বেগ প্ৰকাশ কৰি কয় যে নতুন দিল্লীয়ে বৰ্তমান পৰিস্থিতিটো গভীৰভাৱে নিৰীক্ষণ কৰি আছে।
উল্লেখ্য যে ইছলামিক ষ্টেট খোৰাচানে পূৰ্বে হজৰত মহম্মদৰ ওপৰত নুপুৰ শৰ্মাৰ বিতৰ্কিত মন্তব্যৰ সন্দৰ্ভত সংখ্যালঘু হিন্দুসকলৰ ওপৰত আক্ৰমণৰ ভাবুকি দিছিল।
Watch: Multiple blasts being heard from Gurdwara Karte Parwan in Kabul, Afghanistan where gunmen have stormed inside, said gurdwara president Gurnam Singh @IndianExpress @iepunjab pic.twitter.com/SdopybDkyi
— Divya Goyal (@divya5521) June 18, 2022
শেহতীয়াকৈ এই বিতৰ্কৰ পৰিপ্ৰেক্ষিতত ইছলামিক ষ্টেট খোৰাচানে ভাৰতৰ বিষয়ে এটা ১০ মিনিটৰ ভিডিঅ’ মুকলি কৰিছে। ভিডিঅ’টোত নুপুৰ শৰ্মাৰ অপমানজনক মন্তব্যৰ বিষয়টো তুলি ধৰা হৈছে। তদুপৰি দিল্লীৰ জাহাংগীৰপুৰীৰ বুলডজাৰ চলোৱা ঘটনাও সন্ত্ৰাসবাদী সংগঠনটোৰ ভিডিঅ’ত অন্তৰ্ভুক্ত কৰা হৈছে।
