UGC-NET Exams 2021: পিছুৱাই দিয়া হৈছে ইউজিচি-নেট পৰীক্ষা। শুকুৰবাৰে নেশ্যনেল টেষ্টিং এজেন্সি চমুকৈ এনটিএ-ই জনাইছে যে অহা ১৭ৰ পৰা ২৫ অক্টোবৰৰ ভিতৰত ইউজিচি-নেটৰ ডিচেম্বৰ-২০২০ আৰু জুন-২০২১ছেছনৰ পৰীক্ষা অনুষ্ঠিত হ’ব।
সেই হিচাপে দুৰ্গাপূজাৰ পাছতে অনুষ্ঠিত হ’ব ইউজিচি-নেট পৰীক্ষা।
এনটিয়ে-ৰ ফালৰ পৰা জাৰি কৰা বিজ্ঞপ্তিত কোৱা হৈছে যে ৬ আৰু ৭ অক্টোবৰত কেইবাটাও গুৰুত্বপূৰ্ণ পৰীক্ষা থকাৰ বাবে প্ৰাৰ্থীসকলে ইউজিচি-নেট পৰীক্ষাৰ তাৰিখ সলনি কৰাৰ দাবী তুলিছিল।
সেই দাবীৰ প্ৰতি সঁহাৰি জনাই পৰীক্ষা সূচী পুনৰ সালসলনি কৰা হৈছে। পৰিৱৰ্তিত সূচী প্ৰাৰ্থীসকলে ইউজিচি-নেটৰ অফিচিয়েল ৱেবছাইট ugcnet.nta.nic.inত চাব পাৰিব।
পৰীক্ষাৰ বিশদ সূচী এতিয়াও ঘোষণা কৰা হোৱা নাই যদিও শীঘ্ৰেই সেয়া ঘোষণা কৰা হ’ব।
লগতে পঢ়ক: মধুৰ প্ৰতিশোধ! ভেকচিন লোৱা থাকিলেও ভাৰতলৈ অহা ব্ৰিটিছ নাগৰিকৰ কোৱাৰেন্টাইনৰ নিৰ্দেশ ভাৰতৰ
ইয়াৰ পূৰ্বেও একে কাৰণতে ইউজিচি-নেট পৰীক্ষা পিছুৱাই দিয়া হৈছিল। সেইবাৰ এনটিএ-ই জানিবলৈ দিছিল যে অহা ৬ আৰু ৭ অক্টোবৰ তথা ১০ৰ পৰা ১৯ অক্টোবৰৰ ভিতৰত পৰীক্ষা অনুষ্ঠিত হ’ব।
বিজ্ঞপ্তিত কোৱা হৈছে,’’ শিক্ষাৰ্থীসকলৰ পৰা জানিব পৰা গৈছে যে ১০ অক্টোবৰত আন কোনো গুৰুত্বপূৰ্ণ পৰীক্ষা আছে। সেই পৰীক্ষাৰ সৈতে ইউজিচি-নেট পৰীক্ষা একেদিনাই পৰিছে। এই পৰীক্ষাত যাতে অধিক সংখ্যক শিক্ষাৰ্থী বহিব পাৰে তথা তেওঁলোকৰ সমস্যা আঁতৰ কৰাৰ বাবে ইউজিচি-নেটৰ ডিচেম্বৰ-২০২০ আৰু জুন-২০২১ ছেছনৰ কেইটামান পৰীক্ষা তাৰিখ সলনি হৈছে।‘’
পুনৰ এইদৰেইউজিচি-নেটৰ পৰীক্ষা পিছুৱাই দিয়াৰ সিদ্ধান্ত গ্ৰহণ কৰিছে আয়োজক সংস্থা নেশ্যনেল টেষ্টিং এজেন্সিয়ে।
