উত্তৰ প্ৰদেশৰ বদৌনত এজন লোকে গৰ্ভৱতী পত্নীৰ পেট কাটি লিংগ পৰীক্ষা কৰি আদালতৰ ৰোষত পৰিছে৷আদালতে দোষীক আজীৱন কাৰাদণ্ডৰ শাস্তি প্ৰদান কৰে।বদৌনৰ চিভিল লাইনৰ বাসিন্দা পান্নালালে ২০২০ চনৰ ছেপ্টেম্বৰ মাহত পত্নী অনিতাক আক্ৰমণ কৰিছিল।
২২ বছৰ ধৰি বিবাহপাশত আবদ্ধ হৈ থকা এই দম্পতীহালৰ পাঁচগৰাকী কন্যা সন্তান আছিল। অৱশ্যে পান্নালালে ল’ৰা সন্তান জন্ম দিয়াটো বিচৰাৰ বাবে নিয়মীয়াকৈ কাজিয়া কৰিছিল। অনিতাৰ পৰিয়ালে দম্পতীহালৰ বিবাদৰ কথা জানি পান্নালালক কাজিয়া বন্ধ কৰিবলৈ পতিয়ন নিয়াবলৈ চেষ্টা কৰিছিল যদিও তেওঁ অনিতাক বিবাহ বিচ্ছেদ কৰি আন এগৰাকী মহিলাক বিয়া কৰাই পুত্ৰ সন্তান জন্ম দিয়াৰ ভাবুকি দিছিল।
এদিন স্বামীয়ে গৰ্ভৱতী পত্নীৰ ভৰিত ধৰি কেঁচিৰে পেট কাটি পেলায়৷সেই সময়ত মহিলাগৰাকী গৰ্ভৱতী আছিল আঠ মাহৰ। অনিতাই আদালতত কয় যে কাটি যোৱা অংশটো ইমানেই গভীৰ আছিল যে তেওঁৰ বহু অংশ পেটৰ পৰা ওলমি পৰিছিল।তাৰ পাছত মহিলাগৰাকী দৌৰি ৰাস্তালৈ ওলাই আহিল আৰু ওচৰৰ দোকান এখনত কাম কৰা ভায়েকে তাইৰ চিঞৰ শুনি মহিলাগৰাকীক উদ্ধাৰ কৰিবলৈ আহিল।যাক দেখি পান্নালালে সেই ঠাই এৰি পলায়ন কৰে।
ততাতৈয়াকৈ অনিতাক চিকিৎসালয়লৈ লৈ যোৱা হয়। আক্ৰমণৰ পৰা ৰক্ষা পোৱাৰ পাছতো কেঁচুৱাটসক বচাব পৰা নগ’ল।আদালতত পান্নালালে যুক্তি দিছিল যে অনিতাই তেওঁৰ বিৰুদ্ধে ভুৱা গোচৰ ৰুজু কৰিবলৈ নিজৰ ওপৰতে আঘাত কৰিছিল কাৰণ তেওঁৰ ভাতৃৰ সৈতে সম্পত্তিৰ বিবাদ আছিল।
