শনিবাৰে ভাৰত বনাম পাকিস্তানৰ ক্ৰিকেট খেল চলি আছে। আহমেদাবাদ ষ্টেডিয়াম কেৱল ভাৰতীয় জাতীয় পতাকাৰে ভৰি আছে। পাকিস্তানৰ পতাকা বিচাৰি পোৱাটো প্ৰায় কঠিন। সাধাৰণ মানুহৰ পৰা আৰম্ভ কৰি তাৰকালৈকে কোনোবাই টেলিভিছনৰ সন্মুখত বহিছে, কোনোবাই আহমেদাবাদৰ নৰেন্দ্ৰ মোডী ষ্টেডিয়ামলৈ গৈছে। সকলোৱে নিজৰ নিজৰ ছ’চিয়েল মিডিয়া পেজত কিবা নহয় কিবা পোষ্ট কৰি আছে।
উৰ্বশী ৰাউটেলাৰো এটা পোষ্ট দেখা গ’ল ইনষ্টাগ্ৰামত। নীলা ৰঙৰ পোছাক পৰিধান কৰি ষ্টেডিয়ামত উপস্থিত নায়িকাগৰাকী। তেওঁ লিখিছে, “ভাৰত বনাম পাকিস্তান। বিশ্বকাপ ২০২৩।”
যোৱা বছৰৰ পৰা নায়িকাগৰাকীৰ ক্ৰিকেটৰ প্ৰতি থকা প্ৰেমে অধিক শিৰোনাম দখল কৰি আহিছে। ক্ৰিকেট তাৰকা ঋষভ পন্তৰ সৈতে তেওঁৰ সম্পৰ্কক লৈ বহু আলোচনা চলিছিল। ইয়াৰ পিছতে ঋষভ ডাঙৰ দুৰ্ঘটনা পতিত হয়। সেই সময়ত অভিনেত্ৰীগৰাকীয়ে তেওঁক চাবলৈ চিকিৎসালয়লৈকো লৰালৰিকৈ গৈছিল।
আহমেদাবাদ ষ্টেডিয়ামত নায়িকাগৰাকীক দেখি বহুতে প্ৰশ্ন উত্থাপন কৰিলে, “ঋষভ খেলপথাৰত প্ৰৱেশ নকৰে, তেন্তে ষ্টেডিয়ামত উৰ্বশীয়ে কি কৰি আছে?” মাজতে শুনা গৈছিল যে অভিনেত্ৰীগৰাকীয়েও শুভমন গিলৰ ওপৰত চকু ৰাখিছে। যদিও এসময়ত ছাইফ-কন্যা চাৰা আলী খান আৰু শচীন তেণ্ডুলকাৰৰ কন্যা চাৰাৰ শুভমনৰ সৈতে সম্পৰ্ক থকাৰ বাতৰি প্ৰচাৰ হৈছিল। এই সকলোবোৰ আলোচনাৰ মাজতে অৱশ্যে শুভমনে উৰ্বশীৰ বিষয়ে মুখ খুলিছে।
লগতে পঢ়কঃ এইবোৰ কাৰণেই দিনে দিনে কমি আহিছে আজিৰ প্ৰজন্মৰ দৃষ্টিশক্তি
পাঞ্জাবী ৰিয়েলিটি শ্ব’ ‘দিল দিয়া গল্লা’ৰ ছিজন ২ত বিশেষ অতিথি হিচাপে উপস্থিত হৈছিল শুভমনে। ৰিয়েলিটি শ্বৰ এংকৰজনে শুভমনক সুধিলে, সেই অভিনেত্ৰীগৰাকীৰ সৈতে দলৰ ভিতৰত ঋষভক জোকোৱা হয় নেকি? এই প্ৰশ্নৰ উত্তৰত শুভমনে ক’লে, “উৰ্বশী আৰু ঋষভৰ মাজত একো নাই। এই সকলোবোৰ মূলতঃ ছ’চিয়েল মিডিয়াত দৃষ্টি আকৰ্ষণ কৰিবলৈকে কৰিছে অভিনেত্ৰীগৰাকীয়ে। তেওঁ লিখিছে, “সৰু ভাই, তুমি বেট-বল খেলা।”
Urvashi Rautela at the Narendra Modi Stadium. pic.twitter.com/9VsCZ37JaZ
— Mufaddal Vohra (@mufaddal_vohra) October 14, 2023
অভিনেত্ৰীগৰাকীয়ে ঋষভৰ নাম নোলোৱাকৈয়ে সম্পূৰ্ণ পোষ্টটো কৰিছিল যদিও কিন্তু উৰ্বশীয়ে কাৰ কথা কৈছে সেইটো বুজিবলৈ কাৰো বাকী নাথাকিল।
সেয়া যি নহওক, উৰ্বশীৰ ক্ৰিকেট প্ৰীতিত বহুতেই ৰহস্যৰ গোন্ধ পায়। ইতিমধ্যে ক্ৰিকেটাৰ আৰু অভিনেত্ৰীৰ মাজত প্ৰেমৰ বহু উদাহৰণো আছে। সেয়াই নহয়, বহুতে সংসাৰো পাতিছে।
