ট্ৰাম্পৰ অডিঅ’ টেপক লৈ চাঞ্চল্য; নিৰ্বাচনী বিষয়াক দিছিল ‘ফলাফল সলনি’ কৰাৰ চাপ
আমেৰিকাত এটি অডিঅ’ টেপে এতিয়া তীব্ৰ চাঞ্চল্যৰ সৃষ্টি কৰিছে। অভিযোগ উঠিছে যে ৰাষ্ট্ৰপতি ডোনাল্ড ট্ৰাম্পে জৰ্জিয়াৰ নিৰ্বাচনী বিষয়াক ফোন কৰি নিৰ্বাচনী ফলাফল সলনি কৰাৰ চাপ দিছিল।
অডিঅ’টো ভাইৰেল হৈ পৰাৰ পাছত আমেৰিকাৰ ৰাজনীতিত তোলপাৰ লাগিছে আৰু ইয়াক দেশখনৰ ইতিহাসৰ বৃহৎ ৱাটাৰগেট কেলেংকাৰিৰ সৈতে তুলনা কৰা হৈছে।
ডোনাল্ড ট্ৰাম্পৰ এটা টেপ পোহৰলৈ আহিছে য’ত ট্ৰাম্পে জৰ্জিয়াৰ চেক্ৰেটাৰী অফ ষ্টেট আৰুৰিপাব্লিকান নেতা ব্ৰড ৰফেনছপেৰ্গৰক ফোন কৰি নিৰ্বাচনী ফলাফল সলনি কৰাৰ বাবে চাপ দিছিল।
ট্ৰাম্পে কৈছিল যে মই মাত্ৰ ইয়াকেই বিচাৰো যে আপুনি এইটো কৰক। মই কেবল যিটো আমাৰ হাতত থকা ১১,৭৮০টা ভোটত কৈ অধিক বিচাৰো।
টেপটোত ডোনাল্ড ট্ৰাম্পক উত্তৰত ৰফেনছপেৰ্গৰে কয় যে জৰ্জিয়াৰ ফলাফল সঠিক আছে, এতিয়া একো কৰিব নোৱাৰি।
টেপটোত ট্ৰাম্পে ৰফেনছপেৰ্গৰক ধমকিও দিয়ে যে যদি তেওঁ তাত কাম কৰিবলৈ অপাৰগ হয় তেতিয়াহ’লে তেওঁ ইয়াৰ গভীৰ পৰিণাম ভূগিব লাগিব।
উল্লেখ্য যে ডেম’ক্ৰেট প্ৰাৰ্থী জো বিডেনে ৰাষ্ট্ৰপতি নিৰ্বাচনত জৰ্জিয়াত বিজয় সাৱ্যস্ত কৰিছে।
আমেৰিকাৰ সকলো ৫০খন প্ৰদেশৰ ইলেকট’ৰেল কলেজত জো বিডেনে ৩০৬টা ভোট লাভ কৰাৰ বিপৰীতে ট্ৰাম্পে লাভ কৰিছে ২৩২টা ভোট। ৰাষ্ট্ৰপতি নিৰ্বাচনত বিজয়ী হ’বলৈ ২৭০টা ইলেকট’ৰেল কলেজৰ ভোট লাগে।
ডোনাল্ড ট্ৰাম্পৰ টেপ পোহৰলৈ অহাৰ পাছতে বিডেনৰ শিৱিৰে ইয়াক গণতন্ত্ৰৰ ওপৰত মোক্ষম আঘাত বুলি অভিহিত কৰিছে।