অহা ২৪ আৰু ২৫ ফেব্ৰুৱাৰিত দুদিনীয়া ভ্ৰমণসূচীৰে ভাৰতলৈ আহিব আমেৰিকাৰ ৰাষ্ট্ৰপতি ডোনাল্ড ট্ৰাম্প।
আমেৰিকাৰ ৰাষ্ট্ৰপতি হিচাপে ট্ৰাম্পৰ এইটো প্ৰথমটো ভাৰত ভ্ৰমণ।
ট্ৰাম্পৰ ভাৰত ভ্ৰমণকলৈ হোৱাইট হাউছ কৰ্তৃপক্ষই আনুষ্ঠানিকভাৱে টুইটাৰত এই খৱৰ প্ৰকাশ কৰাৰ লগতে তাৰিখো ঘোষণা কৰিছে।
President @realDonaldTrump & @FLOTUS will travel to India from February 24-25 to visit Prime Minister @narendramodi!
The trip will further strengthen the U.S.-India strategic partnership & highlight the strong & enduring bonds between the American & Indian people. ?? ??
— The White House (@WhiteHouse) February 10, 2020
হোৱাইট হাউছৰ টুইটত কোৱা হৈছে যে ৰাষ্ট্ৰপতি ডোনাল্ড ট্ৰাম্পে ২৪-২৫ ফেব্ৰুৱাৰিত প্ৰধান মন্ত্ৰী নৰেন্দ্ৰ মোদীক সাক্ষাৎ কৰিবলৈ ভাৰত ভ্ৰমণলৈ আহিব।
টুইটত প্ৰকাশ কৰা হৈছে যে ট্ৰাম্পৰ এই ভ্ৰমণে ভাৰত-আমেৰিকাৰ মাজৰ ৰাজনৈতিক সম্বন্ধ আৰু সুদৃঢ় কৰি তুলিব।
ভ্ৰমণৰ সময়ত আমেৰিকাৰ ৰাষ্ট্ৰপতি ডোনাল্ড ট্ৰাম্পৰ সৈতে তেওঁৰ পত্নী তথা আমেৰিকাৰ ফাৰ্ষ্ট লেডী মেলানিয়া ট্ৰাম্পো থাকিব।
আমেৰিকাৰ ৰাষ্ট্ৰপতি ডোনাল্ড ট্ৰাম্প আৰু তেওঁৰ পত্নী মেলানিয়াই গুজৰাটলৈ যোৱাৰ কাৰ্যসূচীও ৰখা হৈছে।
উল্লেখ্য যে আমেৰিকাৰ প্ৰাক্তন ৰাষ্ট্ৰপতি বাৰাক অ’বামাই দুবাৰ ভাৰত ভ্ৰমণ কৰিছিল। তেওঁ ২০১০ চনত এবাৰ আৰু ২০১৫চনত এবাৰ ভাৰত ভ্ৰমণ কৰিছিল।
