মহাকাশ প্ৰেমীসকলৰ বাবে জুন মাহটো অতি বিশেষ হ’ব। এই মাহত বহুতো মহাজাগতিক ঘটনা ঘটিবলৈ গৈ আছে। ইয়াত চন্দ্ৰ আৰু শুক্ৰৰ সংযোগৰ উপৰিও গ্ৰহৰ যুগলবন্দীও দেখা যাব। নাছাই এই মাহৰ মহাকাশীয় ঘটনা সন্দৰ্ভত তথ্য প্ৰদান কৰিছে। এনে কিছুমান পৰিঘটনা খালী চকুৰে সহজে দেখা পোৱা যায়। ২০২৬ চনৰ জুন মাহত মহাকাশত আমি কি কি দেখিম?
মহাকাশৰ পৰিঘটনাৰ প্ৰতি আগ্ৰহীসকলৰ বাবে ২০২৬ চনৰ জুন মাহটো এক গুৰুত্বপূৰ্ণ মাহ হ’ব। নাছাৰ তথ্য অনুসৰি এই মাহত কেইবাটাও মহাজাগতিক ঘটনা সংঘটিত হ’ব।
শুক্ৰ আৰু বৃহস্পতিৰ সংযোগ ঘটিব জুন মাহত। পৃথিৱীৰ আটাইতকৈ উজ্জ্বল গ্ৰহ শুক্ৰ আৰু আটাইতকৈ ডাঙৰ গ্ৰহ বৃহস্পতি ইটোৱে সিটোৰ অতি ওচৰলৈ আহিব। সূৰ্যাস্তৰ পিছত পশ্চিম আকাশত অতি ওচৰৰ পৰা দেখা পোৱা যাব। এই ঘটনা ৯ জুনৰ আশে-পাশে দেখা যাব। সূৰ্যাস্তৰ পিছত ইয়াক অতি উজ্জ্বল দেখা যাব।
এই মাহত বুধ, শুক্ৰ আৰু বৃহস্পতি গ্ৰহক লৈ শোভাযাত্ৰা (পেৰেড)অনুষ্ঠিত হ’ব। ১৫ জুনৰ আশে-পাশে এই মহাজাগতিক পৰিঘটনা দৃশ্যমান হ’ব, তেতিয়া বিশেষ গ্ৰহ তিনিটা ইটোৱে সিটোৰ অতি ওচৰত দেখা যাব। এই দৃশ্য সূৰ্যাস্তৰ পিছত পশ্চিম আকাশত দেখা যাব। তাৰ ভিতৰত শুক্ৰ গ্ৰহ আটাইতকৈ উজ্জ্বল হ’ব।
এই মাহত আন এক অনন্য পৰিঘটনা হ’ব শুক্ৰ আৰু চন্দ্ৰৰ সংযোগ। ১৭ জুনত বিশ্বৰ কিছু অংশত এক বিশেষ পৰিঘটনাৰ সাক্ষী হ’ব যেতিয়া উজ্জ্বল গ্ৰহ শুক্ৰৰ সন্মুখেৰে চন্দ্ৰ পাৰ হ’ব। শুক্ৰ কিছুসময়ৰ বাবে চন্দ্ৰৰ পিছফালে গুচি যাব। এই ঘটনা আমেৰিকা, কানাডা, ব্ৰাজিল আৰু ভেনিজুৱেলাৰ পৰা দৃশ্যমান হ’ব।
নাছাই কয় যে বহু পৰ্যবেক্ষকে হয়তো দিনৰ পোহৰতো এই ঘটনাটো চাব পাৰিব। উপযুক্ত সৌৰ সুৰক্ষা সঁজুলি যেনে বাইনোকুলাৰ, টেলিস্কোপ বা কেমেৰা ব্যৱহাৰ কৰাটো বাঞ্ছনীয়, কিয়নো তেনে নকৰিলে চকুৰ গুৰুতৰ ক্ষতি হ’ব পাৰে। জুন মাহত গ্ৰীষ্মকালীন অয়নান্তও হয়, যিয়ে উত্তৰ গোলাৰ্ধত জ্যোতিৰ্বৈজ্ঞানিক গ্ৰীষ্মকালৰ আৰম্ভণি কৰে। জুন মাহৰ অয়নান্ত ২১ জুনত হয়। এই সময়ত উত্তৰ গোলাৰ্ধত বছৰৰ আটাইতকৈ দীঘলীয়া দিন আৰু আটাইতকৈ চুটি ৰাতি হয়।
