অৱশেষত শিৱসাগৰ আৰক্ষীৰ তিনিখন চমন লাভ কৰাৰ পাছত শিৱসাগৰ সদৰ আৰক্ষী থানাত হাজিৰ হয় বহু বিতৰ্কিত নাৰী গীত কামৰূপা।
আজি দুপৰীয়া শিৱসাগৰ সদৰ আৰক্ষী থানাত হাতত অগ্ৰিম জামিন লৈ হাজিৰ হয় গীত কামৰূপা। তেওঁৰ লগত অভিভাৱক হিচাপে সংগ দিয়ে অসমৰ বিভিন্ন স্থানত সাম্প্ৰদায়িক মন্তব্যৰে সাম্প্ৰদায়িক বিষবাষ্প বিয়পাবলৈ চেষ্ঠা কৰা বহু বিতৰ্কিত গেৰুৱা বসনধাৰী নেতা সত্যৰঞ্জন বৰা।
শিৱসাগৰ নাৰী দেহোপজীৱিনী আৰু শিৱসাগৰৰ সকলো দল সংগঠন দেহ ব্যৱসায়ৰ লগত জড়িত বুলি মন্তব্য কৰিছিল গীত কামৰূপাই।
শিৱসাগৰত ১৫০০ পঞ্জীয়নভুক্ত দেহোপজীৱিনী আছে আৰু এই তথ্য শিৱসাগৰ জিলা প্ৰশাসনৰ পৰা লাভ কৰিছে বুলি বিতৰ্কিত মন্তব্য কৰিছিল গীত কামৰূপা নামৰ তথাকথিত মহিলা গৰাকীয়ে।
যাৰ বাবে শিৱসাগৰৰ সকলো দল সংগঠনে পৃথকে পৃথকে এজাহাৰ দাখিল কৰিছিল গীত কামৰূপাৰ বিৰুদ্ধে।
আজি শিৱসাগৰ সদৰ থানাত গীত কামৰূপা উপস্থিত হোৱাৰ পিছতেই বিভিন্ন দল সংগঠনে শিৱসাগৰ সদৰ থানাৰ সন্মুখত অৱস্থান ধৰ্মঘট ৰূপায়ণ কৰিছিল গীত কামৰূপা আৰু তেওঁৰ সতীৰ্থ সত্যৰঞ্জন বৰাৰ গ্ৰেপ্তাৰৰ দাবীত।
প্ৰতিবাদকাৰীসকলক শিৱসাগৰ সদৰ আৰক্ষী থানাৰ নগৰ পৰিদৰ্শক জ্যোতিষ্মান নেওগে গোৰ মৰাৰ লগতে শাৰীৰিক ভাৱে অপদষ্ট কৰে। যাৰ বাবে আৰক্ষী আৰু প্ৰতিবাদকাৰীসকলৰ মাজত হতাহতিৰ সৃষ্টি হয়।
প্ৰতিবাদকাৰীসকলে শিৱসাগৰৰ নাৰীক অপমানসূচক মন্তব্য কৰা গীত কামৰূপা আৰু বহু বিতৰ্কিত গেৰুৱা নেতা সত্যৰঞ্জন বৰাক শিৱসাগৰ আৰক্ষীয়ে থানৰ ভিতৰত ৰাজ আতিথ্য প্ৰাদান কৰাৰ এক গুৰুতৰ অভিযোগ আনে।
কিছু সময় সোধা পোচা কৰাৰ অন্তত আগতীয়া কৈ গুৱাহাটী উচ্চ ন্যায়ালয়ৰ পৰা অগ্ৰিম জামিন লৈ অনা গীত কামৰূপাক শিৱসাগৰ আৰক্ষীয়ে নিৰাপত্তা প্ৰদান কৰি থানাৰ পৰা যাবলৈ দিয়ে।
আনহাতে বহু বিতৰ্কিত নেতা সত্যৰঞ্জনৰ বিৰুদ্ধে শিৱসাগৰ সদৰ থানাত বহুকেইটা গোচৰ ৰুজু হৈ আছে যদিও সেই গৰাকী সত্যৰঞ্জন বৰা বীৰদৰ্পে শিৱসাগৰ সদৰ থানাত উপস্থিত হৈ শিৱসাগৰ আৰক্ষীৰ ৰাজ আতিথ্য গ্ৰহণ কৰাৰ অভিযোগ কৰিছে দল সংগঠনে।
ইপিনে শিৱসাগৰ সদৰ আৰক্ষী থানাত শিৱসাগৰ আৰক্ষীয়ে কিয় সত্যৰঞ্জন বৰাক গ্ৰেপ্তাৰ নকৰিলে বুলি প্ৰশ্ন কৰে বীৰ লাচিত সেনাৰ নেতা চিতু বৰুৱা আৰু অসম যুৱ ছাত্ৰ সন্মিলনৰ নেতা জিন্তু মেচে।
সত্যৰঞ্জন বৰা বিজেপিৰ নেতা হোৱাৰ বাবেই শিৱসাগৰ আৰক্ষীয়ে তেওঁক গ্ৰেপ্তাৰ কৰিবলৈ সাহস নকৰিলে বুলি মন্তব্য কৰে দল সংগঠনে।
