কেন্দ্ৰীয় গৃহৰাজ্যমন্ত্ৰী নিত্যানন্দ ৰায়ে শুকুৰবাৰে লোকসভাত মানৱ অধিকাৰ(সংশোধনী)বিধেয়ক উত্থাপন কৰে।
বিধেয়কখন উত্থাপনৰ পাছতে হোৱা চৰ্চাত থিৰুৱানন্তপুৰমৰ জেষ্ঠ কংগ্ৰেছ সাংসদ শশী থাৰুৰে বহুকেইটা ক্ষেত্ৰত বিধেয়কখনৰ বিৰোধিতা কৰি অসমত ৰাষ্ট্ৰীয় নাগৰিকপঞ্জী উন্নীতকৰণৰ নামত হোৱা মানৱ অধিকাৰ উলংঘনৰ বিষয়ে উল্লেখ কৰে।
থাৰুৰে ডিটেনশ্যন কেম্পৰ প্ৰসংগ উত্থাপন কৰি কেম্পসমূহত মানৱ অধিকাৰ সম্পূৰ্ণৰূপে খৰ্ব হৈছে বুলি মন্তব্য কৰে।
আনহাতে, সাংসদগৰাকীয়ে অসমত চলি থকা ৰাষ্ট্ৰীয় নাগৰিকপঞ্জীৰ বিষয়ে মন্তব্য কৰিবলৈ গৈ কয় যে বিগত সময়ছোৱাত অসমত নাগৰিকপঞ্জী উন্নীতকৰণৰ নামত চলা হাৰাশাস্তিৰ বাবে ৫৭ গৰাকী লোকে আত্মহত্যাৰ পথ বাছি লৈছে আৰু ইয়াৰ বেছি সংখ্যক লোকে হৈছে হিন্দু সম্প্ৰদায়ৰ।
লগতে পঢ়ক : ভাৰত বিশ্বৰ শৰণাৰ্থীসকলৰ ৰাজধানী হ’ব নোৱাৰে : উচ্চতম ন্যায়ালয়ক জনালে কেন্দ্ৰই
থাৰুৰে বিদেশী বুলি ঘোষণা কৰাৰ ভয়তে এই লোকসকলে আত্মহত্যাৰ পথ বাছিল লৈছে বুলি মন্তব্য কৰে।
তদুপৰি, এজন লোকে কিবা কাৰণত নিজৰ জন্মৰ তাৰিখৰ প্ৰমণ দিব নোৱাৰিব পাৰে, অসমৰ কেইবাগৰাকী পূৰ্বৰ মন্ত্ৰীয়ো আনকি জন্মৰ প্ৰমাণ দিব পৰা নাই সেইবাবে তেওঁলোকক বিদেশী বুলি কৈ প্ৰয়োজনীয় মৌলিক অধিকাৰৰ পৰা বঞ্চিত কৰাটো মানৱ অধিকাৰ উলংঘনৰ ভিতৰত পৰে বুলি থাৰুৰে মত প্ৰকাশ কৰে।
