ভিটামিন হৈছে শৰীৰটো সুস্থ হৈ থাকিবলৈ কম পৰিমাণে প্ৰয়োজন হোৱা এক পুষ্টিকৰ উপাদান। যদি মানৱ শৰীৰে প্ৰয়োজনীয় ভিটামিন লাভ নকৰে তেন্তে বিভিন্ন ৰোগে শৰীৰটোক আক্ৰমণ কৰিব পাৰে।
কি কি ভিটামিনৰ অভাৱত কি কি ৰোগ হয় আৰু কি খাদ্যত কি ভিটামিন পোৱা যায় জানো আহক –
১/ ভিটামিন এ
উৎস : বিলাহী, কচু, গাখীৰ, কণী, যকৃত, মাছ আদিত ভিটামিন এ পোৱা যায়।
ৰোগ : ভিটামিন এ-ৰ অভাৱত চকুৰ সমস্যা (অন্ধত্ব), গৰ্ভাৱস্থা/প্ৰসৱৰ সমস্যা, ছালৰ সমস্যা হ’ব পাৰে।
২/ ভিটামিন বি
উৎস : মাছ, হাঁহ-কুকুৰাৰ মাংস, কণী, আৰু দুগ্ধজাত সামগ্ৰী, সেউজীয়া শাক-পাচলি, বুট মগু আদি হৈছে ভিটামিন বি-ৰ উৎস।
ৰোগ : ভিটামিন বি১ ৰ অভাৱত বেৰিবেৰি (দুৰ্বল পেশী, ওজন কমা, হৃদযন্ত্ৰৰ সমস্যা) ৰোগ হ’ব পাৰে। ভিটামিন বি৬ ৰ অভাৱ হ’লে ৰক্তহীনতা আৰু ওঁঠ ফাটি যোৱা সমস্যাৰ সৃষ্টি হয়। ভিটামিন বি ১২ ৰ অভাৱত গুৰুতৰ ৰক্তহীনতা, স্নায়ুৰ ক্ষতি, অৱস হোৱাৰ দৰে সমস্যা হয়।
৩/ ভিটামিন চি
উৎস : আমলখি, নেমু, কমলা, জলকীয়া, কৰদৈ আদিত ভিটামিন চি পোৱা যায়।
ৰোগ : এই ভিটামিনৰ অভাৱত স্কাৰ্ভি (আঁঠুৰ পৰা তেজ ওলোৱা, গাঁঠিৰ বিষ) ৰোগ হয়। ভিটামিন চি-ৰ অভাৱে ৰোগ প্ৰতিৰোধ ক্ষমতা দুৰ্বল কৰিব পাৰে।
৪/ ভিটামিন ডি
উৎস : সূৰ্যৰ পোহৰ, মাছ, কণী।
ৰোগ : ভিটামিন বি-ৰ অভাৱত বিশেষকৈ শিশুৰ হাড় কোমল হয়। এই ভিটামিনৰ অভাৱৰ বাবে গাৰ বিষ আৰু দুৰ্বলতা হ’ব পাৰে। দীঘলীয়া সময় ভিটামিন বিৰ অভাৱত ভুগি থাকিলে ই মধুমেহ ৰোগৰ সৃষ্টি কৰিব পাৰে।
৫/ ভিটামিন ই
উৎস : বাদাম, বীজ, ফল-মূল, শাক-পাচলি, আৰু তেল।
ৰোগ : এই ভিটামিনৰ অভাৱত চৰ্বি সঠিকভাৱে হজম নহয়। উদাহৰণস্বৰূপে ক্ৰ’ন ৰোগ, চিষ্টিক ফাইব্ৰ’ছিছ, আৰু কিছুমান বিৰল জিনীয় ৰোগ যেনে এবেটালিপ’প্ৰটিনেমিয়া হ’ব পাৰে। এই ভিটামিনৰ অভাৱে ছালৰ ৰোগো সৃষ্টি কৰিব পাৰে।
৫/ ভিটামিন কে
উৎস : সেউজীয়া পাতৰ শাক-পাচলি, তেল, ফল-মূল, আৰু মাংস।
ৰোগ : এই ভিটামিনৰ অভাৱত তেজ গোট মৰাৰ ক্ষেত্ৰত সমস্যা হয়। ফলত কাটিলে অধিক ৰক্তক্ষৰণ হয়।
আমাৰ শৰীৰৰ বাবে বিভিন্ন খনিজ পদাৰ্থৰ প্ৰয়োজন। যেনে আইৰণ, আয়’ডিন, কেলচিয়াম আদি। এই খনিজ পদাৰ্থসমূহৰ অভাৱতো আমি বিভিন্ন ৰোগত আক্ৰান্ত হ’ব পাৰোঁ।
১/ আয়ডিন
উৎস : নিমখ (আয়ডযুক্ত), সাগৰীয় খাদ্য।
আয়ডিনে শিশুৰ মগজুৰ বিকাশ আৰু হৰম’ন উৎপাদনত সহায় কৰে।
ৰোগ : আয়ডিনৰ অভাৱত গোইট্ৰে বা ডিঙি ফুলা ৰোগ হয়।
২/ আইৰণ
উৎস : ৰঙা মাংস, কচু, কলডিল, আপেল আদি।
আইৰণে তেজৰ দ্বাৰা শৰীৰলৈ অক্সিজেন কঢ়িয়াই নিয়াত সহায় কৰে।
ৰোগ : ৰক্তহীনতা, অত্যন্ত ভাগৰুৱা, দুৰ্বলতা আদি সমস্যাৰ সৃষ্টি হ’ব পাৰে।
৩/ কেলচিয়াম
উৎস : দুগ্ধজাত সামগ্ৰী, সেউজীয়া শাক পাচলি, ফল-মূল।
কেলচিয়ামে আমাৰ হাড় মজবুত কৰে।
ৰোগ : কেলচিয়ামৰ অভাৱৰ ফলত ৰিকেট, অষ্টিঅ’পৰ’ছিছ, অষ্টিঅ’পেনিয়া হ’ব পাৰে।
