কৃষক অথবা শিক্ষক নহয়, এইবাৰ প্ৰাপ্য বিচাৰি প্ৰতিবাদত নামিল জন প্ৰতিনিধি ।
চৰকাৰৰ বিৰুদ্ধে এইবাৰ ৰাইজে ভোটদানৰ জৰিয়তে নিৰ্বাচন কৰি দিয়া জন প্ৰতিনিধিসকল নামিল প্ৰতিবাদত।
টীয়কৰ কলিয়াপানী উন্নয়ন খণ্ডৰ অধীনস্থ ৱাৰ্ড সদস্য-সদস্যা সমন্বয় সমিতিয়ে নিজৰ প্ৰাপ্য আদায়ৰ দাবীৰে আজি কাৰ্যালয়ৰ সন্মুখত প্ৰতিবাদ সাব্যস্ত কৰে।
গণতান্ত্ৰিকভাৱে নিৰ্বাচিত এইসকল পঞ্চায়তৰ ৱাৰ্ড সদস্যই নিজৰ দায়িত্ব নিষ্ঠাৰে পালন কৰি আহিছে যদিও যোৱা প্ৰায় দুটা বছৰে তেওঁলোক নূন্যতম দৰমহাকে ধৰি অনান্য চৰকাৰী আঁচনিৰ পৰা সা-সুবিধাৰ পৰা বঞ্চিত হৈ আহিছে।
ইয়াৰ পূৰ্বেও চৰকাৰী পক্ষক তেওঁলোকৰ দাবীসমূহ জনাই আহিছে যদিও কোনো সদুত্তৰ নোপোৱাত আজি পুনৰ খণ্ড উন্নয়ন বিষয়াক দৰমহা মোকলাই দিয়া,দৰমহা আয়োগ গঠন কৰা,পেঞ্চনৰ ব্যৱস্থা কৰা,চৰকাৰী আঁচনিত অন্তৰ্ভূক্ত কৰাকে ধৰি বহু দাবী সম্বলিত এখন স্মাৰক পত্ৰ প্ৰদান কৰি অনতি পলমে তেওঁৰ জৰিয়তে উৰ্ধতম কৰ্তৃপক্ষক জনাবলৈ আহ্বান জনায়।