নাগৰিকত্ব সংশোধনী আইনকলৈ আৰ এছ এছৰ মুৰব্বী মোহন ভাগৱতে কৰা মন্তব্যৰ তীব্ৰ বিৰোধিতা কৰিছে হায়দৰাবাদৰ সাংসদ তথা এআইএমআইএমৰ প্ৰধান আছাদুদ্দিন ৱাইছিয়ে।
কালি বিজয়া দশমীৰ এক অনুষ্ঠানত অংশগ্ৰহণ কৰি আৰএছ এছৰ মুৰব্বী মোহন ভাগৱতে কৈছিল যে ‘কা’কলৈ ভুল তথ্য দি মুছলমান লোক সকলক বিভ্ৰান্ত কৰা হৈছে।
ভাগৱতৰ এনে মন্তব্যৰ পিছতে আছাদুদ্দিন ৱাইছিয়ে তেওঁৰ টুইটাৰত প্ৰতিক্ৰিয়া ব্যক্ত কৰি এই বুলি লিখিছে যে মুছলমান লোকসকলক কোনেও ‘কা’ সন্দৰ্ভত ভুল তথ্য দিয়া নাই।
We're not kids to be 'misguided'. BJP didn't mince words about what CAA+NRC were meant to do. If it's not about Muslims, just remove all references to religion from the law? Know this: we'll protest again & again till there are laws that require us to prove our Indianness…[1] https://t.co/uccZ8JTjsi
— Asaduddin Owaisi (@asadowaisi) October 25, 2020
তেওঁ লিখিছে যে তেওঁলোক শিশু নহয় যে তেওঁলোকক কোনোৱাই ভুল তথ্য দি বিভ্ৰান্ত কৰিব পাৰিব।
ধৰ্মৰ ভিত্তিত নাগৰিকত্ব প্ৰদান কৰিবলৈ ওলোৱা কাৰ্যৰ তেওঁ সদায় বিৰোধিতা কৰি যাব বুলি ৱাইছিয়ে স্পষ্ট কৰি দিছে।
তেওঁ ‘কা’ৰ প্ৰসংগত পূৰ্বৰে পৰা কৈ আহিছে যে ধৰ্মৰ ভিত্তিত নাগৰিকত্ব প্ৰদান কৰিবলৈ ওলাই বিজেপি নেতৃত্বধীন চৰকাৰ খনে ভাৰতৰ ধৰ্মনিৰপেক্ষ চৰিত্ৰকে ভেঙুচালি কৰিছে।
ৱাইছি ‘কা’ৰ দৰে আইনে মুছলমান লোকসকলৰ জীৱন-জীৱিকাৰ প্ৰতি ভাবুকি নমাই অনাৰ সময়তো কংগ্ৰেছ আৰু বাওপন্থী দলবোৰ নিমাতে থকাত আশ্চৰ্য ব্যক্ত কৰে।
