পৃথিৱীখন নিজৰ অক্ষৰ চাৰিওফালে ঘূৰি থাকে। ২৪ ঘণ্টাত এবাৰ সম্পূৰ্ণ পৰিক্ৰমা কৰে। এই ২৪ ঘণ্টাত দিন ৰাতি ঘটে। এইদৰে পৃথিৱীখন ৩৬৫ দিনত এবাৰ সূৰ্য্যৰ চাৰিওফালে ঘূৰি থাকে। এতিয়া প্ৰশ্ন হয়, যদি পৃথিৱীখনে নিজৰ অক্ষৰ চাৰিওফালে ঘূৰি থকা বন্ধ কৰি দিয়ে তেন্তে কি হ’ব?
অৱশ্যেই সাংঘাতিক কাণ্ড ঘটিব। দিন ৰাতি বুলি আৰু একো নাথাকিব। সূৰ্য্য উদয়-সূৰ্যাস্ত বুলি একো নাথাকিব। ছয়টা ঋতুৱেই পাৰ হৈ যাব। আৰু তাৰ লগে লগে ঘটিব এটাৰ পিছত এটা দুৰ্যোগ।
বিষুৱৰেখাত পৃথিৱীয়ে নিজৰ অক্ষত পশ্চিমৰ পৰা পূবলৈ ঘন্টাত প্ৰায় ১০০০ মাইল বেগত ঘূৰি থাকে। যদি এই অৱস্থাত বন্ধ হৈ যায়, তেন্তে মহাপ্ৰলয় ঘটিব। হঠাৎ ঘূৰ্ণন বন্ধ হৈ গ’লে মানুহ, জীৱ-জন্তু, ঘৰ, নদী, সাগৰ, পাহাৰ আৰু পৰ্বত সকলো মহাকাশৰ পূব দিশলৈ উফৰি পৰিব। ঘৰ-বাৰী ভাঙি বিধ্বস্ত হ’ব। বাছ বা গাড়ী চলি থাকিলে হঠাতে ব্ৰেক মাৰিলে মানুহ যেনেকৈ আগলৈ উফৰি পৰে, ঠিক তেনেকৈ পৃথিৱীৰ ঘূৰ্ণন বন্ধ হ’লেও পৃথিৱীৰ পৃষ্ঠত থকা সকলো বস্তু মহাশূন্যত উফৰি পৰিব।
লগতে পঢ়কঃ সৌৰজগতত নতুন নক্ষত্ৰ আৱিষ্কাৰ কৰিছে বিজ্ঞানীসকলে; দেখিবলৈ কেনেকুৱা?
বিজ্ঞানীসকলে কয় যে পৃথিৱীৰ এই ঘূৰ্ণনটোৰ বাবেই মাধ্যাকৰ্ষণ শক্তিৰ জন্মৰ কাৰণ। গতিকে ঘূৰ্ণন বন্ধ হ’লে মাধ্যাকৰ্ষণ শক্তিৰ কাম বন্ধ হৈ যাব। পৃথিৱীৰ পৃষ্ঠত কোনো প্ৰাণী বা নিৰ্জীৱ বস্তু বৰ্তি থাকিব নোৱাৰিব। এটা বিপৰীত শক্তি গঢ় লৈ উঠিব যিয়ে সকলো ওলট পালট কৰি পেলাব আৰু বাহিৰলৈ দলিয়াই পেলাব।
ইয়াৰ লগতে ভয়ংকৰ ধুমুহাও আহিব। পৃথিৱীৰ ঘূৰ্ণনৰ ওপৰতো বতাহৰ গতি আৰু দিশ নিৰ্ভৰ কৰে। পৃথিৱীখন ঘূৰ্ণন হৈ থকাৰ বাবে সকলোতে সমানে বতাহ বলিছে। গতিকে যদি ১ ছেকেণ্ডৰ বাবেও ঘূৰ্ণন বন্ধ হয় তেন্তে তীব্ৰবেগী বতাহ বন্ধ হৈ একে ঠাইতে ঘূৰি থাকিব। হাজাৰ হাজাৰ হাৰিকেনৰ দৰে ভয়ংকৰ ধুমুহা বলিবলৈ আৰম্ভ কৰিব। জীৱৰ অস্তিত্ব সম্পূৰ্ণৰূপে বিলুপ্ত হৈ যাব।
যদি পৃথিৱীয়ে নিজৰ ঘূৰ্ণন চিৰদিনৰ বাবে বন্ধ কৰি দিয়ে তেন্তে পৃথিৱীত দিন-ৰাতিৰ অস্তিত্ব বন্ধ হৈ যাব। পৃথিৱীৰ যি ফাল সূৰ্য্যৰ ফালে মুখ কৰি থাকে, তাত উষ্ণতা তীব্ৰভাৱে বৃদ্ধি পাব, আৰু যি ফাল সূৰ্য্যৰ বিপৰীতে আছে, সেই ফালটো হিম শীতল হৈ পৰিব। তাৰ লগে লগে জোৱাৰ ভাটা বন্ধ হৈ যাব। চন্দ্ৰৰ সৈতে পৃথিৱীৰ এই আত্মিক আকৰ্ষণ ঘূৰ্ণনৰ ওপৰত নিৰ্ভৰশীল।
কিন্তু জ্যোতিৰ্বিজ্ঞানীসকলে কয় যে কৌণিক গতিবেগৰ স্থিৰতাৰ নিয়ম অনুসৰি পৃথিৱীৰ ঘূৰ্ণন বন্ধ হোৱাৰ কোনো কাৰণ নাই। এই প্ৰক্ৰিয়া হাজাৰ কোটি বছৰ ধৰি চলি থাকিব। যদি পৃথিৱীতকৈ আকাৰ আৰু ভৰত ডাঙৰ কোনো মহাকৰ্ষীয় বস্তুৰ লগত পৃথিৱীৰ সংঘৰ্ষ হয়, তেন্তে গতিবেগৰ পৰিৱৰ্তন হ’ব পাৰে। তেতিয়া ঘূৰ্ণন বন্ধ হ’বও পাৰে। আৰু সেইটোৱেই হ’ব ধ্বংসৰ আৰম্ভণি।
লগতে পঢ়কঃঅচিন দেশৰ অজান কথা! দৰিদ্ৰ দেশৰ ৰজাৰ ১৬ গৰাকী পত্নী; সকলোৰে আছে বেলেগ বেলেগ গাড়ী
মুঠতে পৃথিৱীৰ ঘূৰ্ণন বন্ধ হ’লেই সকলোবোৰ মহাকাশত উফৰি পৰিব, আৰু দিন-ৰাতি বা ঋতু পৰিৱৰ্তনৰ বিষয়ে চিন্তা কৰিবলৈ অৱকাশেই নাথাকিব।
