NRC ক লৈ কি পোষকতা কৰিলে নতুন মুখ্যমন্ত্ৰী হিমন্ত বিশ্ব শৰ্মাই?
কিছুদিন পূৰ্বলৈকে ৰাজ্যৰ ৰাজনীতি তোলপাৰ কৰি ৰখা বিষয় আছিল ৰাষ্ট্ৰীয় নাগৰিকপঞ্জী।
চুড়ান্ত ৰাষ্ট্ৰীয় নাগৰিকপঞ্জী প্ৰকাশ পালে যদিও উচ্চতম ন্যায়ালয়ৰ মজিয়া পোৱাত গোটেই বিষয়টোতে ধৰা পৰিল নানান আসোঁৱাহ।
সকলোৰে লক্ষ্য আছিল পৰৱৰ্তী চৰকাৰখনে ৰাষ্ট্ৰীয় নাগৰিকপঞ্জীখনৰ সঠিক ৰূপায়ণ কৰিব নে নাই সেই বিষয়ৰ প্ৰতি।
তেনে সময়তে শপতগ্ৰহণ কৰি নতুন মুখ্যমন্ত্ৰী হিমন্ত বিশ্ব শৰ্মাই NRC সন্দৰ্ভত কেতবোৰ মন্তব্য কৰে।মুখ্যমন্ত্ৰী হিমন্ত বিশ্ব শৰ্মাই সম্বোধন কৰা প্ৰথমখন সংবাদমেলত ৰাষ্ট্ৰীয় নাগৰিকপঞ্জীৰ প্ৰসংগত কেতবোৰ অতি গুৰুত্বপূৰ্ণ মন্তব্য কৰে।
নাগৰিকপঞ্জীক লৈ স্পষ্ট নীতি আৰু স্পষ্ট স্থিতি সন্দৰ্ভত উল্লেখ কৰি মুখ্যমন্ত্ৰী ড° হিমন্ত বিশ্ব শৰ্মাই NRCৰ পুনৰ নিৰীক্ষণৰ পোষকতা কৰিলে ।
তেওঁ কয় ‘সীমান্ত জিলা সমূহত ২০% পুনৰ নিৰীক্ষণ আৰু সীমান্ত জিলা সমূহক বাদ দি ১০% নিৰীক্ষণৰ ব্যৱস্থা কৰা হ’ব।কোনো ধৰণৰ খেলি মেলি ন’হলে আগৰ NRC খনেই মনা হ’ব আৰু যদিহে ব্যাপক খেলি মেলি দেখা যায় তেনেহলে পুনৰ নিৰীক্ষণৰ বাবে উচ্চতৰ ন্যায়ালয়ত আবেদন জনোৱা হ’ব।‘
‘আমি জনজাতীয় লোকসকলৰ সমস্যাবোৰ সমাধান কৰিম।বহু কেইটা সমাধান সূত্ৰ আলোচনা কৰা হৈছে আৰু মই নিশ্চিত যে তাৰেই এটা সমাধান সূত্ৰ লগত ৰাখি আমি আগবাঢ়ি যাব পাৰিম।‘ ৬ জনগোষ্ঠীৰ জনজাতিকৰণ সন্দৰ্ভত এইদৰে কয় হিমন্তই।