ইণ্ডিগ’ এয়াৰ লাইন্সে এটি নৱজাতকক ওৰেটো জীৱন বিমান পৰিবহণ সংস্থাটোৰ যিকোনো বিমানতে বিনামূলীয়াকৈ যাত্ৰাৰ সুবিধা প্ৰদান কৰিছে।
আজীৱন বিনামূলীয়াকৈ দেশ-বিদেশ ঘূৰি ফুৰিব পৰা এই দেৱ শিশুটিয়ে এই বিশেষ সুবিধা লাভ কৰাৰ এক বিশেষ কাৰণ আছে।
দৰাচলতে বুধবাৰে দিল্লীৰ পৰা বাংগালুৰু অভিমুখী ইণ্ডিগ’ এয়াৰ লাইন্সৰ এখন বিমানৰ ভিতৰতে জন্মগ্ৰহণ কৰিছিল দেৱ শিশুটিয়ে। মাটিৰ পৰা কেইবা হাজাৰ ফুট উচ্চতাত থকা ইণ্ডিগ’ এয়াৰ লাইন্সৰ 6E-122 বিমান খনত যাত্ৰী হিচাবে যোৱা এগৰাকী গৰ্ভৱতী মহিলাৰ প্ৰসৱ বেদনা আৰম্ভ হৈছিল বিমানৰ ভিতৰতে।
এই বিষয়ে মহিলাগৰাকীয়ে বিমানৰ পৰিচালিকাক অৱগত কৰিছিল যদিও সেই সময়ত কোনেও একো কৰিব পৰা অৱস্থাত নাছিল।
প্ৰসৱ বেদনাত চটফটাই থকা মহিলাগৰাকীক বিমানৰ পৰিচাৰিকাসকলে আঁৰ কৰি ধৰিছিল আৰু এটা সময়ত উৰন্ত বিমানৰ ভিতৰতে মহিলা গৰাকীয়ে এটি সুস্থ-সৱল ল’ৰা সন্তান জন্ম দিয়ে।
A baby boy was born in an IndiGo Delhi- Bangalore flight
Both mother & child are doing fine #aviation pic.twitter.com/9hlCh0f9zy
— Arindam Majumder (@ari_maj) October 7, 2020
শিশুৰ কান্দোনৰ ৰোল উঠাৰ লগে লগে বিমানৰ আন যাত্ৰীসকলৰ লগতে বিমন খনৰ কৰ্মীসকলৰ মুখত হাঁহি বিৰিঙি উঠে।
A baby boy was born on board Indigo flight from Delhi to Bangalore today. In all likely baby is getting life long free @IndiGo6E free ticket. Great work by Indigo crew today. Kudos to the team @IndiaToday pic.twitter.com/mxn16dgigf
— Nagarjun Dwarakanath (@nagarjund) October 7, 2020
সকলোৱে মহা সংকটৰ পৰা মহিলাগৰাকীয়ে মুক্তি পোৱাত স্বস্তিৰ নিশ্বাস এৰে। ইণ্ডিগ’ বিমানৰ কৰ্তৃপক্ষই এই সমগ্ৰ ঘটনাটো টুইটাৰ যোগে ৰাজহুৱা কৰাৰ লগতে বিমানৰ ভিতৰতে জন্ম পোৱা দেৱ শিশুটিক উপহাৰ হিচাবে আজীৱন ইণ্ডিগ’ বিমানেৰে বিনামূলীয়াকৈ যাত্ৰা কৰিব পাৰিব বুলি ঘোষণা কৰে।
টুইটাৰত বহুতে দেৱ শিশুটিক আশীৰ্বাদ দিয়াৰ লগতে মাতৃগৰকীকো শুভেচ্ছা জ্ঞাপন কৰিছে।
ইয়াৰ বিপৰীতে বহুতে ইণ্ডিগ’ বিমান কৰ্তৃপক্ষক মহিলাগৰাকীৰ তেনে অৱস্থাত যাত্ৰাৰ অনুমতি দিয়া বাবে সমালোচনাও কৰা দেখা গৈছে।