দিৱালী উদযাপনৰ মাজতে নাজিৰাত সংঘটিত হৈছে এক চাঞ্চল্যৰ ঘটনা।
শুকুৰবাৰে দিৱালীৰ আনন্দৰ মাজতে এগৰাকী মহিলা ইউটিউবাৰে নিজৰ সন্তানৰ সৈতে দলঙৰ পৰা দিখৌ নদীত জাঁপ দিয়ে।
ঘটনা প্ৰত্যক্ষ কৰি স্থানীয় দুজন যুৱকে তেওঁলোকক উদ্ধাৰৰ চেষ্টা কৰে যদিও মাতৃ-পুত্ৰৰ নিথৰ মৃতদেহ হে উদ্ধাৰ কৰিবলৈ সক্ষম হয়।
ঘটনাৰ খবৰ পোৱাৰ পিছত ঘটনাস্থলীত উপস্থিত হয় নাজিৰা আৰক্ষী।
প্ৰত্যক্ষদৰ্শীয়ে জনোৱা মতে, ঘটনাস্থলীত মহিলাগৰাকীয়ে লিখা এখন ছুইচাইড নোট উদ্ধাৰ কৰা হৈছে।
উল্লেখ্য যে মৃত মহিলাগৰাকী অসমৰ এগৰাকী জনপ্ৰিয় ইউটিউবাৰ। পল্লৱী গগৈ নামৰ এটা ইউটিউব একাউন্টত জীৱনশৈলী আৰু পৰিয়াল সম্পৰ্কীয় বিভিন্ন ভিডিঅ’ আপলোড কৰে তেওঁ।
এতিয়া এই কণমাণি পুত্ৰ আৰু মাতৃৰ মৃত্যুত শোক প্ৰকাশ কৰিছে ইউটিউব চেনেলটোৰ দৰ্শক আৰু স্থানীয় ৰাইজে।
