নগাঁও জিলাখনত বিভিন্ন নাৰীজনিত ঘটনাই সংবাদ মাধ্যমৰ লগতে সাধাৰণ জনতাৰ মাজত ব্যাপক প্ৰতিক্ৰিয়া সৃষ্টি কৰি থকাৰ সময়তে নগাঁও চহৰৰ দাঁতি কাষৰীয়া অঞ্চল পহুকটা চেঁচামুখৰ পৰা এগৰাকী মহিলা সন্ধানহীন হৈ আছে।
জানিব পৰা মতে নগাঁও জিলাৰ ইটাচালি আৰক্ষী চকীৰ অন্তৰ্গত পহুকটা চেঁচামুখৰ প্ৰিয়ংকা বৰা নামৰ মহিলাগৰাকী যোৱা সাত আগষ্টৰ পৰা সন্ধানহীন হৈ আছে। নগাঁও জিলাৰে কন্দলিৰ মহিলাগৰাকী পহুকটা চেঁচামুখৰ মুন বৰাৰ সৈতে তিনি বছৰ পূৰ্বে বিবাহপাশত আৱদ্ধ হৈছিল। কিন্তু আজি প্ৰায় এপষেক ধৰি মহিলাগৰাকী সন্ধানহীন হৈ থকা ঘটনাই অঞ্চলটোত চাঞ্চল্যৰ সৃষ্টি কৰিছে।
এই ঘটনা সন্দৰ্ভত মহিলাগৰাকীৰ পৰিয়ালৰ লোকে নগাঁও আৰক্ষীৰ ওচৰত এজাহাৰ দাখিল কৰিছে আৰু এই ঘটনাৰ আঁৰত মহিলাগৰাকীৰ স্বামী আৰু পৰিয়ালৰ স্থিতি সন্দেহজনক বুলি আৰক্ষীক দিয়া এজাহাৰত উল্লেখ কৰা হৈছে।
ইতিমধ্যে, আৰক্ষীয়ে তদন্ত আৰম্ভ কৰিছে যদিও বৰ্তমানেও মহিলাগৰাকীৰ কোনো শুংসূত্ৰ উলিয়াব পৰা নাই। পাৰিবাৰিক কন্দলৰ বাবেই নে আন কোনো কাৰণত মহিলাগৰাকী সন্ধানহীন হৈ পৰিছে সেই বিষয়টো এতিয়া ৰহস্যৰ আৱৰ্তত সোমাই পৰিছে।
