আজি বিশ্ব পৰিৱেশ দিৱস৷ ৰাজ্যৰ বিভিন্ন প্ৰান্তৰ লগতে শিৱসাগৰৰ বিভিন্ন স্থানত পালন কৰা হয় বিশ্ব পৰিৱেশ দিৱস৷
শিৱসাগৰ জিলাৰ গৌৰীসাগৰ থানা সমিতিৰ উদ্যোগত আৰু খনামুখ চিন্তামনি গাওঁৰক্ষী বাহিনীৰ সহযোগত আজি খনামুখ গাওঁ পঞ্চায়ত কাৰ্যালয়ত পালন কৰা হয় বিশ্ব পৰিবেশ দিৱস।
খনামুখ গাওঁ পঞ্চায়তত বৃক্ষ ৰোপন কাৰ্য্যসূচী হাতত লোৱা হয়৷
বৃক্ষ ৰোপন কৰে খনামুখ গাওঁ পঞ্চায়তৰ সভাপতি পুলক গগৈ আৰু গৌৰীসাগৰ থানা সমিতিৰ সভাপতি দ্বিজেন ভড়ালীয়ে৷
ইয়াৰ উপৰিও ক’ৰোণা মহামাৰীৰ যুঁজখনত দিনে-নিশাই সেৱা আগবঢ়াই অহা খনামুখ গাওঁ পঞ্চায়তৰ অন্তৰ্গত স্বাস্থ্যকৰ্মীসকলক সম্বৰ্ধনা জনোৱা হয়৷
উক্ত অনুস্থানত উপস্থিত থাকে গৌৰীসাগৰ থানাৰ চক্ৰ সংগঠক অবেন দাস, থানা সমিতিৰ সভাপতি দ্বিজেন ভড়ালী, সম্পাদক ৰাতুল দত্ত, গাওঁ পঞ্চায়তৰ সচিব বিদ্যা বৰা, সমন্বয়ৰক্ষী সমিতিৰ সভাপতি বদন শইকীয়া আৰু সম্পাদক চিত্ৰ ৰঞ্জন দত্ত৷
আনহাতে অসম গণ পৰিষদ শিৱসাগৰ জিলা সমিতিৰ উদ্যোগতো পালন কৰা হয় বিশ্ব পৰিৱেশ দিৱস।
অসম মহিলা পৰিষদৰ সাধাৰণ সম্পাদিকা তথা পশুধন উন্নয়ন নিগমৰ সঞ্চালিকা ভাৰতী শইকীয়াৰ উদ্যোগত অসম গণ পৰিষদ, অসম মহিলা পৰিষদ আৰু অসম যুৱ পৰিষদৰ সহযোগত বিশ্ব পৰিৱেশ দিৱস উপলক্ষে অগপৰ শিৱসাগৰ জিলাৰ মুখ্য কাৰ্যালয়ত বৃক্ষ ৰোপনৰ কাৰ্যসূচী গ্ৰহণ কৰা হয়।
ইপিনে বিশ্ব পৰিবেশ দিৱস উপলক্ষে বেচৰকাৰী সংস্থা ৰেচকিউয়ে পূৰ্বতে ৰোপন কৰা গছপুলি সমূহ চফা কৰাৰ লগতে মৃত গছবোৰৰ ঠাইত নতুনকৈ গছপুলি ৰোপন কৰে।
