অন্য মহিলাৰ সৈতে অবৈধ সম্পৰ্ক স্বামীৰ।ঘটনা গম পালে পত্নীয়ে। স্বামীৰ ঘৰ এৰি দেউতাকৰ ঘৰলৈ গ’ল পত্নী। সম্পূৰ্ণ ঘটনা গম পাই বিবাহ বিচ্ছেদৰ ইচ্ছাও প্ৰকাশ কৰে পত্নীয়ে। কিন্তু যুৱকজনৰ বিৰুদ্ধে পত্নীৰ ওপৰত এচিড ঢালি দিয়াৰ অভিযোগ উত্থাপন হৈছে। যুৱতীগৰাকী গুৰুতৰভাৱে আঘাতপ্ৰাপ্ত হৈ চিকিৎসালয়ত চিকিৎসাধীন হৈ আছে।
মুম্বাইৰ মালাদ অঞ্চলত সংঘটিত হৈছে এই ঘটনা। ভুক্তভোগীৰ পিতৃৰ ঘৰ তাতেই আছে। আৰক্ষীয়ে জনোৱা মতে, যোৱা তিনিমাহ ধৰি ছোৱালীজনী সেই ঘৰতে আছিল। স্বামীৰ লগত থাকিব নোৱাৰি তাই গুচি গ’ল। যুৱতীগৰাকীয়ে স্বামীৰ অবিশ্বাসৰ কথা গম পাইছিল। তাৰ পৰাই আৰম্ভ হয় দুয়োজনৰ মাজত সংঘাত। অভিযুক্ত যুৱকজনে বুধবাৰে পুৱা যুৱতীগৰাকীৰ পিতৃৰ ঘৰত এচিড নিক্ষেপ কৰে। আৰক্ষীয়ে তেওঁক বিচাৰিছে।
২০১৯ চনত ছোৱালীজনীৰ বিয়া হোৱা বুলি পৰিয়ালৰ লোকে জানিবলৈ দিয়ে। বিয়াৰ আগতে যুৱকজনৰ লগত তাইৰ প্ৰেমৰ সম্পৰ্ক গঢ় লৈ উঠিছিল। কিন্তু কিছুদিন আগতে যুৱতীগৰাকীয়ে স্বামীৰ অবিশ্বাসৰ কথা গম পালে। ইয়াৰ পিছত তেওঁ বিবাহ বিচ্ছেদ বিচাৰিলে। সেইটোৱেই অশান্তিৰ সৃষ্টি কৰিছিল। যুৱতীগৰাকীয়ে পৰিয়াল এৰি পিতৃৰ ঘৰলৈ গুচি যায়। যুৱকজন নিবনুৱা বুলি দাবী কৰিছে পৰিয়ালটোৱে। তেওঁৰ ড্ৰাগছৰ আসক্তিও আছিল। এই বিষয়ে যুৱতীগৰাকীয়ে বিয়াৰ পাছতহে গম পায়। ফলত বিয়াৰ পাছত তেওঁৰ মোহভংগ হৈ পৰে। যাৰ বাবে সম্পৰ্কৰ পৰা ওলাই আহিব বিচাৰিছিল।
বুধবাৰৰ ঘটনাৰ পিছতে যুৱকজনৰ বিৰুদ্ধে লিখিত এজাহাৰ দাখিল কৰে পৰিয়ালে। আৰক্ষীয়ে এফআইআৰ ৰুজু কৰি তদন্ত আৰম্ভ কৰিছে। যুৱকজনৰ বিৰুদ্ধে ভাৰতীয় দণ্ডবিধিৰ একাধিক ধাৰাত গোচৰ ৰুজু কৰা হৈছে। অৱশ্যে ঘটনাৰ পিছৰে পৰা পলাতক হৈ আছে। তেওঁৰ সন্ধান চলি আছে।
চিকিৎসালয়ৰ সূত্ৰৰ পৰা জানিব পৰা মতে, এতিয়াৰ বাবে যুৱতীগৰাকীৰ অৱস্থা সুস্থিৰ। কিন্তু তেওঁৰ মুখৰ লগতে শৰীৰৰ অন্যান্য অংশত জ্বলা-পোৰা আছে। যিটো ভাল হ’বলৈ সময় লাগিব।
