অষ্ট্ৰেলিয়াৰ বিৰুদ্ধে তৃতীয় এদিনীয়াত জিম্বাবুৱে তিনি উইকেটত বিজয়ী হৈছে। জিম্বাবুৱেৰ ৰায়ান বাৰ্লে খেলখনত বিধ্বংসী বলিং কৰে। তেওঁ অকলেই পাঁচটা উইকেট দখল কৰে। বাৰ্লৰ বিধ্বংসী বলিঙৰ বাবেই অষ্ট্ৰেলিয়াৰ ইনিংছ ১৪১ ৰাণতে সমাপ্ত হয়। ৰায়ানে খেলখনত মাত্ৰ তিনি অভাৰ বল কৰিছিল। তেওঁ মুঠতে ১৮ টা বলত পাঁচটা উইকেট দখল কৰে। গ্লেন মেক্সৱেল, এষ্টন আগৰ, ডেভিদ ৱাৰ্ণাৰ, মিচেল ষ্টাৰ্ক আৰু জছ হেজলউড ৰায়ানৰ চিকাৰ হয়।
অষ্ট্ৰেলিয়াই ইতিমধ্যে শৃংখলাটোৰ প্ৰথম দুখন মেচ জিকিছিল। এইখন নিয়ম ৰক্ষাৰ খেল আছিল। কিন্তু জিম্বাবুৱেই এই খেলখনত সুন্দৰ প্ৰদৰ্শন কৰিলে। জিম্বাবুৱেই টছত জিকি প্ৰথমে বল কৰাৰ সিদ্ধান্ত লৈছিল। প্ৰথমে বেটিং কৰি অষ্ট্ৰেলিয়াৰ ইনিংছ ১৪১ ৰাণত সমাপ্ত হয়। ডেভিদ ৱাৰ্ণাৰৰ ৯৪ ৰাণৰ ইনিংছৰ বাহিৰে কোনেও তেনেকৈ খেলিব নোৱাৰিলে।
ৰায়ান বাৰ্লে সুন্দৰ বলিং কৰি তিনি অভাৰত ১০ ৰাণত পাঁচটা উইকেট দখল কৰে। আনহাতে, ব্ৰেড ইভান্সে দুটা উইকেট দখল কৰে।
ইয়াৰ প্ৰত্যুত্তৰত জিম্বাবুৱেই ৩৯ অভাৰতে নিৰ্দ্ধাৰিত লক্ষ্যত উপনীত হয়। ৰেগিছে খেলখনত ৭২ টা বলত অপৰাজিত ৩৭ ৰাণ কৰে। মাৰুমণিয়ে ৩৫ ৰাণ সংগ্ৰহ কৰে। কাইতানোৱে কৰে ১৯ ৰাণ।
খেলখনত ১১ অভাৰ বাকী থকা অৱস্থাত জিম্বাবুৱেই অৰ্থাৎ ৬৬ টা বল থাকোতেই খেলখন সমাপ্ত কৰে। শৃংখলাটো ২-১ ব্যৱধানত পৰাজিত হোৱা স্বত্বেও জিম্বাবুৱেই মেচখনত যিধৰণে প্ৰদৰ্শন আগবঢ়াই মেচখন জিকিলে ইয়াক সঁচাকৈয়ে এক অঘটন বুলিবই পাৰি।
#3rdODI | Historic! 🇿🇼 Zimbabwe beat 🇦🇺 Australia by 3 wickets to record their first win over Australia on Australian soil! 💪
Australia however take the series 2⃣-1⃣ #AUSvZIM | #VisitZimbabwe pic.twitter.com/u5KA7Zlp10
— Zimbabwe Cricket (@ZimCricketv) September 3, 2022
অষ্ট্ৰেলিয়াৰ মাটিত জিম্বাবুৱেৰ এইটো প্ৰথম জয়। গতিকে এই বিজয়ৰ ফলস্বৰূপে জিম্বাবুৱেই ইতিহাস ৰচনা কৰিলে।