আন্তৰ্জাতিক বিনিয়োগকাৰীৰ সন্মিলন ‘এডভাণ্টেইজ আছাম’ত অংশগ্ৰহণ কৰাৰ উদেশ্যে প্ৰথমবাৰৰ বাবে অসম ভ্ৰমণলৈ অহা ৰিলায়েঞ্চে ইণ্ডাছট্ৰিজৰ মুৰব্বী মুকেশ আম্বানি আজি গুৱাহাটীত উপস্থিত হয়।
উদ্যোগপতি গৰাকীয়ে অসমীয়াতে ‘অসমৰ গৰ্বিত ৰাইজ, আপোনালোকে মোৰ শুভেচ্ছা গ্ৰহণ কৰিব’ বুলি সন্মিলনৰ জনসমাগমক সম্বোধন কৰে।
উদ্যোগপতিজনে কেন্দ্ৰীয় বাজেটক প্ৰশংসা কৰাৰ লগতে প্রধানমন্ত্ৰী মোদীয়ে ভাৰতৰ অৰ্থনীতিলৈ বিপ্লৱ আনিব বুলি মন্তব্য কৰে।
আম্বানিয়ে তেওঁৰ ভাষণত ৰাজ্যখনৰ উন্নয়নৰ বাবে প্ৰদান কৰা পাঁচটা প্ৰতিশ্ৰুতি হৈছে:
# ৰিলায়েঞ্চে অসমত আঢ়ৈ হাজাৰ কোটি টকা বিনিয়োগ কৰিব।
# অসম চৰকাৰৰ সহযোগত ৰিলায়েঞ্চে ৰাজ্যখনত এখন বিশ্বমানৰ ফুটবল একাডেমী খুলিব।
# নতুন জীৱিকা সৃষ্টিত সৰ্বাধিক গুৰুত্ব। জিঅ’ই অসমৰ প্ৰায় ২০ হাজাৰ লোকক নিযুক্তি দিছে, ইয়াক ১ লাখলৈ বৃদ্ধিৰ লক্ষ্য।
# অসম চৰকাৰৰ লগত মিলি ৰিলায়েঞ্চে ইণ্ডাছট্ৰিজে বন্যপ্ৰাণীৰ সুৰক্ষা আৰু পৰ্যটন ক্ষেত্ৰৰ বিকাশৰ উদেশ্যে অসমত এটা বিশ্বমানৰ গৱেষণা কেন্দ্ৰ খুলিব।
# ৰিলায়েঞ্চে অসমত থকা তেওঁলোকৰ পেট্ৰল পাম্পৰ সংখ্যা ২৭টাৰ পৰা ১৬৫ বৃদ্ধি কৰিব।
