এতিয়াৰে পৰা তিনিচকীয়া বাহন, টেক্সি, ই-ৰিক্সা আৰু দুচকীয়া বাহন সমূহৰ ক্ষেত্ৰত ব্যৱসায়িক অনুজ্ঞাপত্ৰৰ প্ৰয়োজন নায়। টাইমছ অব ইণ্ডিয়া ত প্ৰকাশিত এক বাতৰি অনুসৰি কেন্দ্ৰীয় চৰকাৰে উক্ত বাহন সমূহৰ ক্ষেত্ৰত ব্যৱসায়িক অনুজ্ঞাপত্ৰৰ প্ৰয়োজনীয়তা উঠাই লোৱাৰ এই সিদ্ধান্ত গ্ৰহণ কৰিছে।
অৱশ্যে, ট্ৰাক, বাছ আৰু অনান্য এনেধৰণৰ গধুৰ ব্যৱসায়িক বাহন সমূহৰ ক্ষেত্ৰত ব্যৱসায়িক অনুজ্ঞাপ্ৰৰ আগৰ যি নিৰ্দেশ আছিল সেয়াই বাহাল থাকিব বুলি বাতৰিটোত কোৱা হয়।
কেন্দ্ৰৰ এই সিদ্ধান্তৰ ফলত লঘু বাহনৰ গাড়ীচালক সকলে এতিয়া ব্যৱসায়িক অনুজ্ঞাপত্ৰ উলিওৱাৰ হাৰাশাস্তিৰ পৰা সকাহ পাব বুলি আশা কৰিব পাৰি। তেওঁলোকে নিজৰ ব্যক্তিগত অনুজ্ঞাপত্ৰকে একে উদ্দেশ্যত ব্যৱহাৰ কৰিব পাৰিব।
বাতৰিটোৰ মতে ২০১৭ চনৰ জুলাইত উচ্চতম ন্যায়ালয়ে দিয়া এক নিৰ্দেশৰ ভিত্তিত যোৱা সোমবাৰে কেন্দ্ৰীয় পথ পৰিবহন মন্ত্ৰায়ালয়ে উক্ত নিয়ম বলৱৎ কৰিবলৈ ৰাজ্য চৰকাৰ সমূহক আদেশ জাৰি কৰিছে।
