মঙলবাৰে ৰাতিপুৱা প্ৰায় ১১ বজাত ওদালগুৰিৰ টংলা ষ্টেট বেংক অফ ইণ্ডিয়া শাখাৰ সন্মুখৰ পৰা খগেন বড়ো নামৰ এগৰাকী ক্ষুদ্ৰ চাহ খেতিয়কৰ এখন বেগত থকা সাত লাখ টকা দিনৰ পোহৰতে দুৰ্বৃত্তই লুট কৰি নিয়ে।
এই ঘটনাৰ বলি বড়োৱে ধনখিনি বেংকটোৰ পৰা উলিয়াই আনিছিল। তেনে সময়তে এজন যুৱকে তেওঁক তেওঁৰ গাড়ীখনৰ চকাৰ কাষত কিবা এটা লাগি থকা বুলি জনায়।
পৰিস্থিতিৰ সুযোগ গ্ৰহণ কৰি দুৰ্বৃত্তই ধন ৰখা বেগটো লৈ উধাও হয়।
এইক্ষেত্ৰত ভুক্তভোগীয়ে টংলা আৰক্ষী থানাত এখন এজাহাৰ দিয়াৰ পিছতে আৰক্ষীয়ে দুৰ্বৃত্তক ধৰিবলৈ ব্যাপক অভিযান চলাইছে।
স্থানীয় লোকে অভিযোগ কৰে যে ওদালগুৰি জিলাত সক্ৰিয় এটা দুৰ্বৃত্তৰ দলে বিগত সময়তো কেইবাজনৰো পৰা পৰা ধন লুট কৰি নিয়াৰ ঘটনা সংঘটিত কৰিছে।
এই দলটোৱে চুবুৰীয়া ৰাজ্য পশ্চিমবংগৰ সৈতে সম্পৰ্ক ৰাখি ৰাজ্যখনত সংগঠিত ৰূপত এনে কাৰ্য চলাই থকা বুলি আৰক্ষীয়ে সন্দেহ প্ৰকাশ কৰিছে।
তেওঁলোকে চুবুৰীয়া ৰাজ্যলৈ পলাই যায় আৰু তাত থকাৰ বাবে তেওঁলোকক ধৰা পেলোৱাটো প্ৰায় অসম্ভৱ হৈ পৰে।
যোৱা ২১ মাৰ্চত ওদালগুৰিত দুটা চাঞ্চল্যকৰ দিন ডকাইতিৰ ঘটনা সংঘটিত হৈছিল য’ত দুৰ্বৃত্তই ওদালগুৰিৰ হৰিশিঙা অঞ্চলৰ এল আই চি ছেটেলাইট কাৰ্যালয়ৰ পৰা এগৰাকী ব্যক্তিৰ পৰা ৩৬,০০০ টকাৰে সৈতে এটা বেগ লৈ পলাই যাবলৈ সক্ষম হয়।
আন এক ঘটনাত সেইদিনাখনেই চন্দ্ৰ কান্ত কুমাৰ নামৰ ব্যক্তি এগৰাকীৰ পৰা দিনৰ পোহৰতে ডকাইতি কৰি লৈ যায়।
বাতৰি অনুসৰি কুমাৰে বেংকৰ পৰা দৰমহাৰ ধন ২৫,০০০ টকা উলিয়াই আহি থাকোতে ওদালগুৰি বজাৰৰ সমীপত ঘটনাটো সংঘটিত হৈছিল।
অঞ্চলটোত এনেদৰে সঘনাই সংঘটিত হৈ থকা লুট পাতৰ ঘটনাই স্থানীয় ৰাইজৰ মাজত চাঞ্চল্যৰ সৃষ্টি কৰিছে।
