২০১৬ চনত অসমৰ ব্ৰেণ্ড এম্বেচাদৰ হিচাপে নিযুক্তি পোৱা প্ৰিয়ংকা চোপ্ৰাই এদভান্তে’জ আচাম বিশ্ব বিনিয়োগকাৰী সন্মিলনলৈ তেওঁৰ শুভেচ্ছা জনাইছে।
অসম পৰ্য্যটনৰ ‘Awesome Assam’ প্ৰচাৰ কৰা প্ৰিয়ংকা চোপ্ৰাই টুইটাৰযোগে এই আয়োজনৰ প্ৰতি শুভেচ্ছা জনাই আশা প্ৰকাশ কৰিছে যে এই উদ্যোগে অসমক এক আগশাৰীৰ বাণিজ্যিক কেন্দ্ৰত পৰিণত কৰিব।
তেওঁ টুইট কৰিছে ‘অসমক ব্যৱসায়ৰ পছন্দৰ স্থানত পৰিণত কৰিবলৈ ৩-৪ ফেব্ৰুৱাৰিৰ প্ৰথম বিশ্ব বিনিয়োগকাৰী সন্মিলনকে ধৰি চৰকাৰে গ্ৰহণ কৰা উদ্যোগসমূহক লৈ অসম পৰ্য্যটনৰ ব্ৰেণ্ড এম্বেচাদৰ হিচাপে গৌৰৱবোধ কৰিছো। মই তেওঁলোকক শুভেচ্ছা জনাইছো।’
বৰ্তমান সৰুসজাই ষ্টেডিয়ামত চলি থকা এই সন্মিলনত প্ৰধান মন্ত্ৰী নৰেন্দ্ৰ মোদীয়ে শনিবাৰে উপস্থিত বৃ্হৎ সংখ্যক জনসাধাৰণক সম্বোধন কৰে।
অসমত প্ৰথম বাৰৰ বাবে আয়োজিত এই বিনিয়োগকাৰী সন্মিলনত ভাৰতৰ লগতে পৃথিৱীৰ বিভিন্ন দেশৰ প্ৰায় ২০০০ গৰাকী বাণিজ্য প্ৰতিনিধিয়ে অংশগ্ৰহণ কৰিছে।
