মৰিয়নী নগাজাংকা অঞ্চলৰ বছাগাঁও পাংচোৱাল সংযোগী জৰাজীৰ্ণ গড়কাপ্টানি পথটো মেৰামতিৰ বাবে ওলাই আহে স্থানীয় গাঁওবাসী।
উল্লেখযোগ্য যে গড়কাপ্টানি বিভাগৰ অধীনৰ এই বছাগাঁও পাংচোৱাল সংযোগী পথটো বিগত কেইবাবছৰ ধৰি মেৰামতিৰ অভাৱত জহি খহি জৰাজীৰ্ণ হৈ পৰে।ফলত স্থানীয় ৰাইজে যাতায়তকে ধৰি বহু সমস্যাৰ সন্মুখীন হ’ব লগীয়া হোৱাৰ লগতে জৰুৰীকালীন সময়ত ১০৮ সেৱাৰ পৰাও বঞ্চিত হ’ব লগীয়া হৈছে।
উপায়বিহীন হৈ সোমবাৰে স্থানীয় গাঁওবাসীয়ে হাতে হাতে দা, কুঠাৰ, কোৰ লৈ উক্ত জৰাজীৰ্ণ পথটো মেৰামতি কৰিবৰ বাবে ওলাই আহে।
গাঁওবাসীয়ে জানিব দিয়া মতে এই পথটোৰ মেৰামতিৰ সন্দৰ্ভত পি ডব্লিউ ডি কার্যালয়ৰ লগত যোগাযোগ কৰিলে পথটি কাগজে পত্ৰই হৈ আছে বুলি জনোৱাৰ বাহিৰে বৰ্তমানলৈকে এই ক্ষেত্ৰত কোনো ধৰণৰ পদক্ষেপ গ্ৰহণ কৰা নাই।
ইতিমধ্যে গাঁওবাসীয়ে চৰকাৰে যদি অগন্তুক দিনত উক্ত জৰাজীৰ্ণ পথটো মেৰামতিৰ ক্ষেত্ৰত কোনো ধৰণৰ পদক্ষেপ গ্ৰহণ নকৰে তেন্তে গাঁওবাসীয়ে আগন্তুক পঞ্চায়ত নিৰ্বাচন বৰ্জন কৰিব বুলি হংকাৰ দিয়ে।
