লখিমপুৰ জিলাৰ বিহপুৰীয়া বিধানসভা সমষ্টিৰ বিধায়ক দেৱানন্দ হাজৰিকাই বৃহস্পতিবাৰে চৰ অঞ্চল উন্নয়ন শিতানৰ অধিনত পাৱাৰটিলা আৰু ৱাটাৰপাম্প বিতৰণ কৰে ৷
প্ৰাপ্ত তথ্য মতে লখিমপুৰ জিলাৰ নাৰায়ণপুৰ উন্নখণ্ডৰ চৌহদত খণ্ড উন্নয় বিষয়া আইনুল হক মোল্লাই আঁত ধৰা বিতৰণি অনুষ্ঠানটোত বিধায়ক হাজৰিকাই হিতাধাৰি সকলৰ মাজত পাৱাৰটিলা আৰু ৱাটাৰপাম্প বিতৰণ কৰি সামগ্ৰি সমূহ সঠিক ভাবে ব্যৱহাৰ কৰিবলৈ কয় ৷
আজি অনুষ্ঠানটোত নাৰায়ণপুৰ উন্নয়ন খণ্ডৰ চৰ অঞ্চলৰ বাবে আবণ্টিত মুঠ তিনিখন পাৱাৰটিলা আৰু ১৬ টা ৱাটাৰ পাম্প বিতৰণ কৰা হয় ৷
কাংকান আত্মসহায়ক গোট আৰু ত্ৰিদেৱ আত্ম সহায়ক গোটক আজি পাৱাৰটিলা বিতৰণ কৰাৰ বিপৰীতে টিকিৰাই শোৱনশিৰি মহিলা আত্ম সহায়ক গোট, চকিয়াল বালি চুবুৰি মহিলা আত্ম সহায়ক গোট, জোনবাই আত্ম সহায়ক, বৰবিল গোৱাল চাপৰি কৃষি সেৱা আত্ম সহায়ক গোট, ফুলনি আত্ম সহায়ক গোট, জোন-তৰা আত্ম সহায়ক গোট আৰু ব্যক্তিগত হিচাপে চিত্ৰ পেগু, প্ৰণৱ পেগু ,গেপাং পেগু, যদুৰাই দলে, সুনীল টাই, গেছীৰাম পেগু, কিচিব পেগু, মিনি পেগু আৰু বেবাই পেগুক ৱাটাৰ পাম্প দিয়া হয়।
বিতৰণি অনুষ্ঠানত বিধায়ক প্ৰতিনিধি সুনীল হাজৰিকা,নাৰায়ণপুৰ উন্নয়ন খণ্ডৰ কৰ্মচাৰীকে আদি কৰি বহু সংখ্যক লোক উপস্থিত থাকে।
