সোমবাৰে শিৱসাগৰৰ বৰআলিত সংঘটিত এক পথ দুৰ্ঘটনাত এজন যুৱক নিহত হোৱাৰ লগতে আন এজন যুৱক গুৰুতৰভাৱে আহত হয়।
প্ৰাপ্ত তথ্য মতে এখন দ্ৰুতবেগী ডাম্পাৰ আৰু মটৰচাইকেলৰ মাজত হোৱা সংঘৰ্ষৰ ফলত মটৰাচাইকেল অহা যুৱক দুজনৰে এজনৰ মৃত্যু হয় আৰু আনজন গুৰুতৰভাৱে আহত হয়। নিহত হোৱা যুৱকজন বেতবাৰীৰ নাওজান হাউচিং কলনীৰ নিবাসী ধীৰাজ জ্যোতি গগৈ বুলি আৰক্ষীয়ে চিনাক্ত কৰিছে।
আনহাতে আহত যুৱকজনক জসাগৰ পহৰাদাৰ আলিৰ নিৱাসী অভিমন্যু সন্দিকৈ বুলি আৰক্ষীয়ে চিনাক্ত কৰিছে। সন্দিকৈক ইতিমধ্যে চিকিৎসাৰ বাবে হস্পাতালত ভৰ্তি কৰৱো হৈছে।
যুৱক দুজন বিবাহ অনুষ্ঠান এটাত অংশ লৈ ওভতাৰ পথতে এই দুৰ্ঘটনা সংঘটিত হয় বুলি জানিব পৰা গৈছে।
ৰাজ্যখনত প্ৰায়ে দ্ৰুতবেগী ডাম্পাৰে উপদ্ৰৱ চলাই সাধাৰণ ৰাইজক হাৰাশাস্তি কৰি অহাৰ উপৰি বহু লোকে প্ৰাণো হেৰুৱা লগীয়া হৈছে।
স্থানীয় ৰাইজে এই ক্ষেত্ৰত যান-বাহন শাখাৰ আৰক্ষীক উচিত পদক্ষেপ গ্ৰহণ কৰিবলৈ আহ্বান জনাইছে।
