অসমীয়াৰ পদূলিমুখত হেঁপাহৰ ৰঙালী বিহু | হেঁপাহৰ এই বিহুটি পূৰ্ণ উদ্যমেৰে আদৰিবলৈ সাজু ৰাজ্যৰ ডেকা, বুঢ়াৰ গাভৰুৰ পৰা সকলোৱে | এইক্ষেত্ৰত পিছ পৰি থকা নাই কণ কণ শিশু সকলো |
বিশ্বনাথ চাৰিআলিও ব্যাতিক্ৰম নহয়। বিশ্বনাথ চাৰিআলিত এতিয়া কণ কণ শিশুসকলে হাতত ঢোল-তাল লৈ ব্যস্ত হৈ পৰিছে বিহুক আদৰাত| বিশ্বনাথৰ ভৱেন্দ্ৰ নাথ শইকীয়াৰ ন্যাস “আৰোহণ কিডছ Play School” ত এইদৰেই এতিয়া কণ কণ শিশু সকলৰ মাজত উদুলি-মুদুলি পৰিৱেশ |
বিশেষকৈ অসমীয়া সংস্কৃতি আৰু পৰম্পৰাৰ লগত কণ কণ শিশু সকলক পৰিচয় কৰোৱাৰ লগতে বিভিন্ন অসমীয়া খাদ্য-সম্ভাৰৰ প্ৰতিযোগিতাৰ আয়োজন কৰি কণ কণ শিশু সকলক এই বয়সতে অসমীয়া সংস্কৃতিৰ পৰিচয় দিয়াৰ এক প্ৰয়াস কৰিছে আৰোহণ নামৰ অনুষ্ঠানটিয়ে |
উল্লেখযোগ্য যে এই অনুষ্ঠানৰ মাজতে কণ কণ শিশু সকলৰ অভিভাৱক সকলকো এজোপাকৈ গছ পুলি উপহাৰ স্বৰূপে প্ৰদান কৰি সেউজ অসম গঢ়াৰ বাবেও এক প্ৰচেষ্টা কৰে আৰোহণ কৰ্তৃপক্ষই| আৰোহণৰ এই প্ৰয়াসক অভিভাৱক সকলে শলাগ লৈছে।
