এগৰাকী নাবালিকাক ধৰ্ষণ কৰাৰ অপৰাধত চাহ বাগিছাৰ এজন শ্ৰমিকক বিশেষ ন্যায়াধীশৰ এখন আদালতে শনিবাৰে দহ বছৰৰ সশ্ৰম কাৰাদণ্ড বিহিছে।
বিশেষ আদালতৰ ন্যায়াধীশ পি জে শইকীয়াই ডুমডুমা আৰক্ষী থানাৰ অন্তৰ্গত ছিলিখা চাহ বাগিছাৰ পুৰণা লাইনৰ ৰাম কিশোৰ কৰ্মকাৰক অভিযুক্ত কৰি এই ৰায় প্ৰদান কৰিছে। এগৰাকী নাবালিকাক ধৰ্ষণৰ অপৰাধত দোষী সাৱ্যস্ত হোৱাৰ পিছত ন্যায়াধীশগৰাকীয়ে কৰ্মকাৰক ১০ বছৰৰ সশ্ৰম কাৰাদণ্ডৰ লগতে ১০,০০০ টকাৰ জৰিমনাৰ ৰায় প্ৰদান কৰে।
বিশেষ আদালতৰ ন্যায়াধীশগৰাকীয়ে লগতে জিলা আইনী সেৱা কৰ্তৃপক্ষক ধৰ্ষণৰ বলি হোৱা নাবালিকাগৰাকীক ৫০,০০০ টকাৰ ক্ষতিপূৰণ আদায় দিয়াৰ নিৰ্দেশ দিয়ে।
এখন সভাত ৰাইজৰ আগত আক্ৰান্ত নাবালিকাগৰাকীয়ে তেওঁৰ গৰ্ভধাৰণৰ বাবে দায়ী অভিযুক্তগৰাকীৰ নাম প্ৰকাশ কৰাৰ পিছত ২০১৩ চনত ডুমডুমা থানাত কৰ্মকাৰৰ বিৰুদ্ধে গোচৰটো ৰুজু কৰা হৈছিল।
আৰক্ষীয়ে নিজাববীয়াকৈ ৩০৭/১৩ নং এটা গোচৰটো ৰুজু কৰিছিল আৰু ঘটনাটোৰ তদন্তৰ কৰি ২০১৫ চনত কৰ্মকাৰৰ বিৰুদ্ধে এখন অভিযোগনামা দাখিল কৰিছিল।
ন্যায়াধীশগৰাকীয়ে তেওঁৰ নিৰ্দেশটোত উল্লেখ কৰিছে যে ১০,০০০ টকাৰ জৰিমনা আদায় দিয়াত ব্যৰ্থ হ’লে অপৰাধীয়ে অতিৰিক্ত এবছৰৰ সশ্ৰম কাৰাদণ্ড ভোগ কৰিব লাগিব।
