সদৌ অসম জাতীয়তাবাদী যুৱ ছাত্ৰ পৰিষদৰ নামৰূপ আঞ্চলিক কমিটী আৰু সদৌ অসম যুৱ ছাত্ৰ পৰিষদৰ সহযোগত নামৰূপত ৰঙালী বিহুৰ আয়োজন কৰা হৈছে।
বিহুৰ পতাকা উওোলন কৰে সদৌ অসম জাতীয়তাবাদী যুৱ ছাত্ৰ পৰিষদৰ বিহু উদ্যাপন কমিটীৰ সভাপতি মনদীপ বৰুৱাই। তাৰ ঠিক পাছতেই শ্বহিদ তৰ্পণ অনষ্ঠানৰ উদ্বোধন কৰে সদৌ অসম জাতীয়তাবাদী যুৱ ছাত্ৰ পৰিষদৰ বিহু উদ্যাপন কমিটীৰ সম্পাদক ৰূপম ৰাজবংশীয়ে।
সাংস্কৃতিক শোভাযাত্ৰা উদেবোধন কৰে সদৌ অসম জাতীয়তাবাদী যুৱ ছাত্ৰ পৰিষদৰ জিলা সভাপতি গিৰীন চেতীয়াই আৰু তাৰ পাছত সাংস্কৃতিক সমদলটো বি ভি এফ পি এল বিহু মণ্ডপৰ ফালে যাত্ৰা কৰে। হাতীৰ শোভাযাত্ৰা, সত্ৰীয়া নৃত্য, ঝুমুৰ নাচ, মণিপুৰী নৃত্য, গায়ন বায়ন, লাই লুন খাম নাচ, জিকিৰ আদিৰে বাৰেৰহণীয়া সাংস্কৃতিক শোভাযাত্ৰা নামৰূপৰ ৰাজপথত উলিওৱা হয়। এই শোভাযাত্ৰাই নামৰূপৰ সৰ্বত্ৰ এক সাংস্কৃতিক বাতাৱৰণৰ সৃষ্টি কৰে।
দুপৰীয়া এক বজাৰ পৰা চেমনীয়া হুঁচৰি, জেং বিহু আদিৰ প্ৰতিযোগিতাৰ আয়োজন কৰা হয়। নিশাৰ সাংস্কৃতিক অনুষ্ঠান উদ্বোধন কৰিছে সদৌ অসম জাতীয়তাবাদী যুৱ ছাত্ৰ পৰিষদৰ কেন্দ্ৰীয় সদস্যই আৰু ইয়াত অনুষ্ঠান পৰিৱেশন কৰিব নিমন্ত্ৰিত শিল্পী মন্টু শইকীয়া আৰু দোবজিত বৰাই।
