উচ্চতম ন্যায়ালয়ৰ নিৰ্দেশক অৱমাননা কৰি এন এইচ পি চিয়ে গোপনে গেৰুকামুখৰ নামনি সোৱণশিৰি জলবিদ্যুৎ প্ৰকল্পৰ নিৰ্মাণকাৰ্য পুনৰ আৰম্ভ কৰাৰ বিৰুদ্ধে আজি বিশ্বনাথ চাৰিআলিত প্ৰতিবাদমুখৰ হৈ পৰে অসম জাতীয়তাবাদী যুৱ-ছাত্ৰ পৰিষদ বিশ্বনাথ চাৰিআলি আঞ্চলিক সমিতি।
বিশ্বনাথ চাৰিআলি আঞ্চলিক সমিতিয়ে বৃহৎ নদীবান্ধ নিৰ্মাণৰ ক্ষেত্ৰত কেন্দ্ৰীয় চৰকাৰ,ৰাজ্য চৰকাৰ আৰু এন এইচ পি চিয়ে কৰি অহা প্ৰৱঞ্চনাৰ প্ৰতিবাদত বিশ্বনাথ চাৰিআলিৰ পুলিচ পইন্টত পৰিষদৰ তিনি শতাধিক সদস্যৰ উপস্থিতিত ৰাষ্ট্ৰীয় ঘাই পথ আৱৰোধ কৰি এন এইচ পি চিৰ পুত্তলিকা দাহ কৰে।
সমিতিৰ সদস্যসকলে এন এই পি চি হায় হায়, প্ৰধানমন্ত্ৰী হুঁচিয়াৰ, বৃহৎ নদীবান্ধ বন্ধ কৰক ইত্যাদি শ্ল’গানৰে বিশ্বনাথৰ আকাশ বতাহ কঁপাই তোলাৰ লগতে আঞ্চলিক সমিতিৰ তৰফৰ পৰা জিলা উপায়ুক্তলৈ এখন স্মাৰক পত্ৰ প্ৰেৰণ কৰে।
উক্ত কাৰ্যসূচীত বিশ্বনাথ চাৰিআলি আঞ্চলিক সমিতিৰ সভাপতি ঈশান প্ৰতিম শইকীয়া,উপ সভাপতি ৰূপম মহন্ত, সাংস্কৃতিক সম্পাদক মানস বৰা, সাংগঠনিক সম্পাদক মৃত্যুঞ্জয় সন্যাল, প্ৰচাৰ সম্পাদক অজয় গুপ্তা, সমাজ সেৱা সম্পাদক ধন্তী দত্ত, উপদেষ্টা নিহাৰ শইকীয়া, চুমন শইকীয়া, লাতু ভৰালী, নাজিৰ হুছেইন আদি আঞ্চলিক পৰ্যায়ৰ বিষয়ববীয়াৰ উপৰি বিশ্বনাথ জিলা সমিতিৰ উপদেষ্টা নাচিৰ আহমেদ, সহকাৰী সাধাৰণ সম্পাদক বিশ্বজিৎ দাস আৰু সাংগঠনিক সম্পাদক প্ৰিয়াংকু ডেকা উপস্থিত থাকে |