বৃহস্পতিবাৰে বৰপেটা জিলাৰ ভৱানীপুৰ সমষ্টিৰ অন্তৰ্গত বৃহত্তৰ মাজগাঁও অঞ্চলৰ ছখন হাইস্কুলৰ পৰা প্ৰথম বিভাগত উত্তীৰ্ণ হোৱা ৩৮ গৰাকী কৃতী ছাত্ৰ-ছাত্ৰীক জামাত ই ইছলামী হিন্দ আৰু এছ আই অ’ মাজগাঁও শাখাৰ তৰফৰ পৰা অভিনন্দন আৰু সম্বৰ্ধনা জনোৱা হয়।
হজৰত আবুবক্কৰ ছিদ্দিক মডেল একাডেমীত অনুষ্ঠিত কৰা উক্ত সম্বৰ্ধনা অনুষ্ঠানত প্ৰত্যেককে এখন ফুলাম গামোচা আৰু মানপত্ৰৰে সম্বৰ্ধনা জনোৱা হয়। অনুষ্ঠানটো সভাপতিত্ব কৰে জামাতৰ জ্যেষ্ঠ সদস্য তথা পটা মাজগাঁও ছিনিয়ৰ মাদ্ৰাছাৰ শিক্ষক মৌলানা আব্দুল গফুৰ মণ্ডলে।
অনুষ্ঠানত ছাত্ৰ ছাত্ৰী সকলক উৎসাহ আৰু প্ৰেৰণা দি ভৱিষ্যতত আৰু অধিক সু- খ্যাতিৰে ফলাফল লাভ কৰিবলৈ তথা সুনাগৰিক হ’বৰ বাবে উপদেশ মূলক ভাষণ প্ৰদান কৰে জামাত ই ইছলামী হিন্দৰ অসম জোনৰ মিডিয়া সম্পাদক তথা সপ্তাহিক মুজাহিদ কাকতৰ সম্পাদক ছফিকুল ইছলাম, মাজগাঁও গুৱাগাছা জাতীয় বিদ্যালয়ৰ অধ্যক্ষ শ্বহিবুল হক শিকদাৰ , নবশক্তি জাতীয় বিদ্যালয়ৰ অধ্যক্ষ শ্বফিকুল হক ,গুৱাগাছা হাইস্কুলৰ প্ৰধান শিক্ষক আবুল কালাম চৌধুৰী, হাছমা একাডেমীৰ অধ্যক্ষ আব্দুছ ছালাম আহমেদ আৰু ৰেম আণ্চলিক জাতীয় বিদ্যালয়ৰ অধ্যক্ষ মণিৰ উদ্দিনে।
মাজগাঁও আঞ্চলিক হাই মাদ্ৰাছাৰ প্ৰধান শিক্ষক আব্দুল মোতালেব আহমেদৰ লগতে অঞ্চলটোৰ জ্যেষ্ঠ ব্যক্তি আব্দুছ ছাত্তাৰ আহমেদেও বিশেষ অতিথি হিচাপে উপস্থিত থাকি ছাত্ৰ- ছাত্ৰী সকলক মূল্যবান ভাষণেৰে প্ৰেৰণামূলক উপদেশ দিয়ে।
সম্বৰ্ধনা লাভ কৰি কৃতী ছাত্ৰ- ছাত্ৰী সকলে তেওঁলোকৰ নিজা নিজা মন্তব্য দাঙি ধৰা অনুষ্ঠানটোৰ আঁত ধৰে এছ আই অ’ ৰ মাজগাঁও শাখাৰ সভাপতি হাফিজ ইনামুল হক আৰু কৰ্মী ছাদ্দাম হুছেইনে।
