মহাৰাষ্ট্ৰৰ ভিৱান্দিত তিনিমহলীয়া অট্টালিকা এটা ভাঙি পৰাৰ ফলত কমেও ১০জনৰ লোকৰ মৃত্যু ঘটিছে।
সংবাদ প্ৰতিষ্ঠানৰ বাতৰি মতে, ধ্বংসস্তূপৰ মাজত এতিয়াও ২০-২৫জন লোক আৱদ্ধ হৈ আছে।
সোমবাৰে কাহিলী পুৱা প্ৰায় ৪বজাত ভিৱান্দিৰ পেটেল কম্পাউদ এলেকাৰ এটি তিনিমহলীয়া অট্টালিকা হঠাতে ভাঙি হুৰমুৰাই খহি পৰে।
ততাতয়াকৈ স্থানীয় লোকে উদ্ধাৰ কাৰ্য আৰম্ভ কৰাৰ পাছত এনডিআৰএফ বাহিনী ঘটনাস্থলীত উপস্থিত হয়।
স্থানীয় লোকে তাৎক্ষণিকভাৱে প্ৰায় ২০-২৫জন লোকক উদ্ধাৰ কৰে। এনডিআৰএফৰ অতিৰিক্ত বাহিনীও ঘটনাস্থলীলৈ ৰাওনা হৈছে।
বাতৰি অনুসৰি, এনডিআৰএফে ধ্বংসস্তূপৰ মাজৰ পৰা এটি শিশুক উদ্ধাৰ কৰিছে।
সংবাদ প্ৰতিষ্ঠানে প্ৰকাশ কৰা বাতৰি অনুসৰি ভিৱান্দিৰ এই অট্টালিকা ভাঙি পৰা ঘটনাত মৃতকৰ সংখ্যা ১০জনলৈ বৃদ্ধি পাইছে।