১২৭২গৰাকী ব্যক্তি অসমত দেওবাৰে ক’ভিড১৯ পজিটিভ চিনাক্ত হৈছে।
টেষ্টৰ তুলনাত পজিটিভৰ হাৰ ৬.৮৯ শতাংশলৈ বৃদ্ধি পাইছে। যোৱা দুদিনত এই হাৰ আছিল ক্ৰমে ৬.৭৭ আৰু ৫.১২ শতাংশ।
যোৱা ২৪ ঘণ্টাত ১৮,৪৩৫টা ক’ভিড টেষ্টত এইসকল ব্যক্তি পজিটিভ চিনাক্ত হৈছে।
পজিটিভ চিনাক্তসকলৰ ভিতৰত আছে কামৰূপ মহানগৰৰ ২৮০ আৰু কাছাৰৰ ১৩৪গৰাকী ব্যক্তি।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
আনহাতে আৰু আঠগৰাকী ক’ভিড ৰোগীয়ে অসমত প্ৰাণ হেৰুৱাইছে, দেওবাৰলৈকে মুঠ মৃতকৰ সংখ্যা ২৪২লৈ বৃদ্ধি পাইছে।
নতুনকৈ পজিটিভ চিনাক্তসকলক ধৰি অসমত চিনাক্ত মুঠ ক’ভিড আক্ৰান্তৰ সংখ্যা ৯০,৭৪০লৈ বৃদ্ধি পাইছে।
?Alert ~ 1272 #COVID cases detected today out of 18435 tests done in last 24 hours
Positivity Rate- 6.89%
Kamrup M- 280; Cachar- 134
↗️Total cases 90740
↗️Recovered 67641
↗️Active cases 22854
↗️Deaths 24210 PM, Aug 23 pic.twitter.com/SDplh5Ncon
— Himanta Biswa Sarma (@himantabiswa) August 23, 2020
অসমত বৰ্তমান সক্ৰিয় ক’ভিড পজিটিভ ব্যক্তিৰ সংখ্যা হৈছে ২২,৮৫৪ (।)
বিপৰীতে অসমত শনিবাৰলৈকে ৬৭,৬৪১গৰাকী ব্যক্তিয়ে ক’ভিডৰ পৰা আৰোগ্য হৈ চিকিৎসালয় এৰিছে।