অসম আৰক্ষীৰ এটা বিশেষ দলে বাক্সা জিলাত ন্যায়াধিকৰণে বিদেশী ঘোষণা কৰা চৈধ্যজন লোকক গ্ৰেপ্তাৰ কৰে।
বুধবাৰে জিলাখনৰ বিভিন্ন প্ৰান্তৰ পৰা গ্ৰেপ্তাৰ কৰা হয় এই ব্যক্তিসকলক।
আৰক্ষী অধীক্ষক উজ্জ্বল প্ৰতিম বৰুৱাৰ মতে, এই বিদেশী নাগৰিক সকলক গ্ৰেপ্তাৰ কৰিবলৈ আদালতৰ পৰা নিৰ্দেশ লাভ কৰাৰ পিছতেই তেওঁলোকক গ্ৰেপ্তাৰ কৰা হয়।
ধৃত লোকসকলৰ ভিতৰত আছে ৯ গৰাকী মহিলা আৰু ৫ গৰাকী পুৰুষ।
ব্যক্তিকেইজনক বিভিন্ন সময়ত ন্যায়াধিকৰণে বিদেশী বুলি ঘোষণা কৰিছিল।
গ্ৰেপ্তাৰৰ পিছত আটাইকেইজনকে গোৱালপাৰা জিলাৰ মটিয়াত থকা ডিটেনশ্যন কেম্পলৈ প্ৰেৰণ কৰা হয়।
