অসম আৰক্ষীৰ প্ৰশাসনীয় ব্যৱস্থাত এক বৃহৎ ৰদবদল ঘটাই ৰাজ্য চৰকাৰৰ গৃহ বিভাগে একেলগে ১৮ জন জ্যেষ্ঠ আৰক্ষী বিষয়াক বদলি কৰিছে।
সোমবাৰে জাৰি কৰা এক চৰকাৰী নিৰ্দেশনা অনুসৰি এই সকল বিষয়াৰ ভিতৰত ৪ জন আইপিএছ আৰু ১৪ জন এপিএছ পৰ্যায়ৰ বিষয়া আছে। এই সালসলনিৰ অংশ হিচাপে ডিমাহাছাওৰ পঞ্চম অসম আৰক্ষী বাহিনীৰ কমাণ্ডেণ্ট দীনেশ কুমাৰক পশ্চিম কাৰ্বি আংলঙৰ আৰক্ষী অধীক্ষক হিচাপে নিযুক্তি দিয়া হৈছে। ইফালে মুখ্যমন্ত্ৰীৰ নিৰাপত্তা শাখাৰ অতিৰিক্ত আৰক্ষী অধীক্ষক নিশান্ত সৌৰভক পদোন্নতি দি গুৱাহাটী আৰক্ষী আয়ুক্তালয়ৰ সীমান্ত শাখাৰ উপ-আৰক্ষী উপুক্ত হিচাপে বদলি কৰা হৈছে।
আনহাতে তৰ্ক আৰু দুৰ্নীতি নিবাৰক শাখাৰ অতিৰিক্ত আৰক্ষী অধীক্ষক আঞ্চল চৌহানক বৰপেটাৰ হাউলীস্থিত ২৮ নং অসম আৰক্ষী বাহিনীৰ কমাণ্ডেণ্ট হিচাপে দায়িত্ব দিয়া হৈছে।
নগাওঁ জিলাৰ অতিৰিক্ত আৰক্ষী অধীক্ষক ইয়াংচেন ডমা ভূটীয়াক পদোন্নতি দি গুৱাহাটীৰ উলুবাৰীস্থিত অসম আৰক্ষীৰ ক্ৰীড়া আৰু এপি শাখাৰ সহকাৰী আৰক্ষী মহাপৰিদৰ্শক হিচাপে নিযুক্তি দিয়া হৈছে।
ইয়াৰ উপৰিও পশ্চিম কাৰ্বি আংলঙৰ আৰক্ষী অধীক্ষক বলিন দেউৰীক বশিষ্ঠৰ বন সুৰক্ষা বাহিনীৰ কমাণ্ডেণ্ট হিচাপে বদলি কৰা হৈছে।
একেদৰে শিৱসাগৰৰ লিগিৰিপুখুৰীৰ ২৫ নং বাহিনীৰ কমাণ্ডেণ্ট মৃণাল তালুকদাৰক লক্ষীমপুৰৰ লীলাবাৰীস্থিত ১৩ নং বাহিনীৰ দায়িত্ব অৰ্পণ কৰা হৈছে।
এই নিৰ্দেশনা অনুসৰি ড০ আব্দেল কাদিৰ আৰিফক চিআইডিৰ নাৰ্কোটিক নিয়ন্ত্ৰণ শাখাৰ আৰক্ষী অধীক্ষক হিচাপে নিযুক্তি দিয়া হৈছে।
নিৰুপম হাজৰিকাক গুৱাহাটী আৰক্ষী আয়ুক্তালয়ৰ প্ৰশাসন শাখাৰ উপ-আৰক্ষী আয়ুক্ত হিচাপে বদলি কৰা হৈছে।
ইফালে অলিন্দিতা গগৈক এএণ্ডই শাখাৰ সহকাৰী আৰক্ষী মহাপৰিদৰ্শক হিচাপে নতুন দায়িত্ব দিয়া হৈছে।
আনহাতে গুৱাহাটীৰ উপ-আৰক্ষী আয়ুক্ত ইমদাদ আলীক শিৱসাগৰৰ ২৫ নং বাহিনীৰ কমাণ্ডেণ্ট হিচাপে বদলি কৰা হৈছে।
বঙাইগাঁৱৰ কমাণ্ডেণ্ট হিৰণ্য বৰ্মনক নলবাৰীৰ ১৪ নং বাহিনীৰ দায়িত্ব দিয়াৰ বিপৰীতে নলবাৰীৰ কমাণ্ডেণ্ট পেট্ৰিক ৰংহাঙক নগাঁৱৰ ৯ নং বাহিনীলৈ বদলি কৰা হৈছে।
প্ৰশাসনিক সুবিধাৰ বাবে হোৱা এই সালসলনিত সত্য ৰঞ্জন শইকীয়াক দেৰগাঁৱৰ আৰটিএছৰ কমাণ্ডেণ্ট হিচাপে দায়িত্ব দিয়া হৈছে আৰু ড০ ৰুবুল গগৈক বাক্সাৰ ২৪ নং বাহিনীৰ কমাণ্ডেণ্ট হিচাপে বদলি কৰা হৈছে।
একেদৰে মুকুট ৰাভাক বঙাইগাঁৱৰ অষ্টম বাহিনীৰ কমাণ্ডেণ্ট হিচাপে নিযুক্তি দিয়া হৈছে। লখিমপুৰৰ ১৩ নং বাহিনীৰ পৰা দেবাশিস শৰ্মাক যমুনামুখৰ ১২ নং বাহিনীলৈ বদলি কৰা হৈছে।
ড০ মানবেন্দ্ৰ গগৈক ডিমাহাছাওৰ পঞ্চম বাহিনীৰ কমাণ্ডেণ্ট হিচাপে দায়িত্ব দিয়া হৈছে আৰু কমল কুমাৰ গুপ্তাক ওদালগুৰিৰ ২৭ নং বাহিনীৰ কমাণ্ডেণ্ট হিচাপে নতুন দায়িত্ব অৰ্পণ কৰা হৈছে।
