মৰিগাওঁ, নগাওঁ অঞ্চলৰ বুলি দাবী কৰিও অসমীয়া, হিন্দী একো বুজি নোপোৱা ৩৬জন সন্দেহজনক লোকক কাকপথাৰত স্থানীয় দল-সংগঠনে আটক কৰি কাকপথাৰ আৰক্ষীক চমজাই দিয়ে। স্থানীয় লোকে জানিবলৈ দিয়ামতে, ১২ জানুৱাৰিত এখন টাটা মহিন্দ্ৰ (এ এছ-২১ চি-৬৮৫৯) গাড়ীত অহা এই লোকসকলে সোধা-পোছাৰ সমত নিজকে নগাওঁ, মৰিগাৱঁৰ বিভিন্ন ঠাইৰ বুলি দাবী কৰিছিল যদিও তেওঁলোকে অসমীয়া, হিন্দী একো বুজি নোপোৱাত সন্দেহ হয় দল-সংগঠনবোৰৰ। ফলত ধৰি আৰক্ষীক গতাই দিয়ে।
দল-সংগঠনৰ প্ৰতিনিধিসকলে সংবাদ মাধ্যমক জানিবলৈ দিয়া মতে, ১২ জানুৱাৰিত দিনৰ প্ৰায় ২-৪০ বজাত তিনিচুকীয়াৰ পৰা অৰুণাচল প্ৰদেশ অভিমুখী এখন টাটা মহিন্দ্ৰ গাড়ীত আহি থকা অৱস্থাত সন্দেহবশতঃ তেওঁলোকে সোধা-পোছা কৰিছিল। লোকসকলে যথোচিত উত্তৰ দিব নোৱৰাত তেওঁলোকে কাকপথাৰ আৰক্ষী থানাত চমজাই দিয়ে।
আৰক্ষীয়ে দিয়া তথ্যমতে, লোককেইজনৰ নাম ক্ৰমে অনুৱন হুছেইন (২৯), ইচানছিল মহম্মদ (৬০), জাচমিন বেগম (৩২), আয়েশা খাতুন (৩০), মায়ামা বেগম (৩৫), জামিনা খাতুন (৬০), জাহেদা খাতুন (৪০), চাহাৰা বেগম (৪৫), আমিয়া বেগম (৬০), ফাতেমা খাতুন (৩৭), পূৰ্ণিমা খাতুন (২), জাহোনা বেগম (৬০), আজমিনা খাতুন (৩৫), মফিয়া বেগম (১৯), নেহৰু অহম (৩), সুনিতা দেৱী (৪০), ৰীতা কুমাৰ শৰ্মা (১১), ৰোহিত কুমাৰ শৰ্মা (১০), মনুমা বেগম (৩৫), দীপক ওৰাং (১৪), মেহমুদ জামাল (১২), ইহোদ্দিন আলী (৮), ফুলহানু খাতুন (১০), তৰাভানু (২০), মেতাব আলাম (৮), চুনিয়া খাতুন (১০), চাহিল আলী (১১), গীতা কুমাৰী শৰ্মা, নমিশা খাতুন (৯), জানমণি খাতুন (১১), মুনা আলী (১১), অজিতা বেগম (৮), চামচন মাহা (১০), ময়না খাতুন, চন্দন দাস (৫৫), সুমলা খাতুন (৪)।
কাকপথাৰ আৰক্ষী থানাই সোধা-পোছা অব্যাহত ৰাখিছে বুলি জানিবলৈ দিয়ে।
