অসমত ১৮৭৭ লৈ বৃদ্ধি পালে ক’ৰ’না আক্ৰান্ত ৰোগীৰ সংখ্যা।
এই মুহূৰ্তত একেলগে ৪৭ গৰাকী লোকৰ দেহত ধৰা পৰিছে এই মাৰাত্মক ক’ৰ’না ভাইৰাছৰ উপস্থিতি।
আক্ৰান্তসকলৰ ৩৩ গৰাকী হোজাইৰ, ৬ গৰাকী ধেমাজিৰ, ৪ গৰাকী বঙাইগাঁও, ৩ গৰাকী বৰপেটা আৰু বাক্সা জিলাৰ এগৰাকী।
বৰ্তমান ১৪৫৭ গৰাকী লোক এই ক’ৰ’না ভাইৰাছত আক্ৰান্ত হৈ চিকিৎসাধীন হৈ থকাৰ বিপৰীতে ৪১৩ জনক চিকিৎসালয়ৰ পৰা মুক্তি দিয়া হৈছে ৷
এতিয়ালৈ চাৰি গৰাকী ৰোগী মৃত্যু মুখত পৰিছে।
টুইটাৰযোগে এই কথা উল্লেখ কৰিছে স্বাস্থ্য মন্ত্ৰী ড০ হিমন্ত বিশ্ব শৰ্মাই।
কালিৰ দিনটোত সৰ্বাধিক ২৬৯ গৰাকী লোক আক্ৰান্ত হৈছিল।
যোৱা ১ জুনৰ দিনটোত ১৪৬ গৰাকী লোক ক’ৰ’নাত আক্ৰান্ত হৈছিল।
যোৱা ৩০ মে’ দিনা ১৫৯ গৰাকী আক্ৰান্ত হৈছিল।
২৯ মে’ত ১৭৭ গৰাকী আক্ৰান্ত হৈছিল ক’ৰ’না ভাইৰাছত।
উল্লেখযোগ্য যে, যোৱা ১৩ মে’ ৰ পৰা আজিলৈকে মুঠ ১৭৯৬ গৰাকী লোক আক্ৰান্ত হৈছে এই মাৰাত্মক ক’ভিড-১৯ত।