কেন্সাৰ প্ৰতিৰোধত সহায় কৰা পাঁচবিধ খাদ্য

এইটো শতিকাৰ আটাইতকৈ ভয়াবহ ৰোগবিধেই হ’ল কেন্সাৰ। অত্যাধিক মদ আৰু মাদক দ্ৰব্য সেৱন আৰু প্ৰয়োজন অনুসৰি ফল-মূল নোখোৱাৰ বাবেই এই ৰোগবিধ বৃদ্ধি পোৱাৰ কাৰণ বুলি এটা অধ্যয়ণত প্ৰকাশ পাইছে।

দিনে দিনে কেন্সাৰ ৰোগীৰ সংখ্যা বৃদ্ধি পোৱাৰ আন এটা কাৰণ হৰমোন সম্বন্ধীয় পৰিৱৰ্তন বুলিও ধৰা হৈছে।

কেন্সাৰ ৰোগ সকলোৰে বাবে এক চিন্তাৰ বিষয় যদিও ইয়াৰ পৰা হাত সাৰি থকাটো সম্ভৱ। ইয়াৰ বাবে সকলোৱে দৈনিক পাঁচবিধ খাদ্য বা আহাৰ গ্ৰহণ কৰাটো প্ৰয়োজনীয়।

পাঁচবিধ খাদ্যৰ সবিশেষ তলত উল্লেখ কৰা হ’ল

ব্ৰকলি

ব্ৰকলিত অধিক মাত্ৰাত sulforaphane থাকে আৰু ই কেন্সাৰ ষ্টেম কোষ বিলাকক ধ্বংস কৰাত সহায় কৰে। এটা অধ্যয়ণত প্ৰকাশিত তথ্য অনুসৰি sulforaphane-এ স্তন কেন্সাৰৰ ৭৫ শতাংশ কোষ হ্ৰাস কৰাত সহায় কৰে। স্তন কেন্সাৰৰ পৰা হাত সাৰি থাকিবলৈ সপ্তাহত দুবাৰ বা তিনিবাৰ ব্ৰকলি খাব লাগে।

Beta-carotene যুক্ত খাদ্য

Beta-carotene যুক্ত খাদ্যই কেন্সাৰ প্ৰতিৰোধত যথেষ্ট পৰিমানে সহায় কৰে। হালধীয়া ৰঙালাউ, সেউজীয়া শাক-পাচলি, পকা অমিতাৰ লগতে অন্যান্য ৰঙা ফল-মূলত অধিক মাত্ৰাত Beta-carotene থাকে।

গাজৰ

গাজৰে কেন্সাৰ প্ৰতিৰোধত যথেষ্ট সহায় কৰে বুলি বিভিন্ন অধ্যয়ণত প্ৰকাশ পাইছে। গাজৰে পেটৰ কেন্সাৰৰ সংশয় ২৬ শতাংশ নাইকীয়া কৰে। ধূম্ৰপান কৰা লোকসকলে যদি গাজৰ নাখাই তেন্তে তেওঁলোকৰ হাওঁ-ফাঁওত কেন্সাৰ হোৱাৰ আশংকা তিনিগুণ বৃদ্ধি পায়। এই মাৰাত্মক ৰোগবিধৰ পৰা বাচিবলৈ হ’লে গাজৰ খোৱা অভ্যাসত পৰিণত কৰক।

বিন

বিনত অত্যাধিক মাত্ৰাত ফাইবাৰ থাকে। ই কলন কেন্সাৰ প্ৰতিৰোধত সহায় কৰে। আপোনাৰ খাদ্য তালিকাত যদি বিনৰ মাত্ৰা বঢ়াই দিয়ে তেন্তে এইবিধ কেন্সাৰৰ পৰা হাত সাৰি থকাৰ সম্পূৰ্ণ সম্ভাৱনা আছে।

বাদাম

গৱেষণাত কোৱা হৈছে যে বিভিন্ন প্ৰকাৰৰ বাদাম সেৱন কৰাৰ ফলত কেন্সাৰ ৰোগৰ আশংকা বহু পৰিমানে হ্ৰাস পায়।