এটা বহু মহলীয়া আট্টালিকাৰ পাঁচ মহলাৰ বাৰান্দাৰ পৰা আত্মহত্যাৰ চেষ্টাৰ পাঁচগৰাকীকৈ যুৱতীৰ।
আৰক্ষীয়ে প্ৰকাশ কৰা ঘটনাৰ বিৱৰণীৰ অনুসৰি মালিকপক্ষৰ পৰা কেবামাহৰো বকেয়া ধন লাভ নকৰাৰ বাবেই এই চৰম সিদ্ধান্ত গ্ৰহণ কৰি কাৰ্যকৰী কৰিবলৈ উদ্যত হৈছিল উক্ত পাঁচ যুৱতীয়ে।
আৰক্ষীয়ে প্ৰকাশ কৰা মতে কলকতাৰ পাৰ্ক ষ্ট্ৰীটৰ উক্ত আট্টালিকাটোত বাস কৰা এজন লোকৰ চাৰ্কাছত সৰুৰে পৰা কাম কৰি আহিছিল উক্ত পাঁচ যুৱতীয়ে।
শীতকালত পশ্চিমবংগৰ লগতে দেশৰ বিভিন্ন ঠাইত চাৰ্কাছ প্ৰদৰ্শন কৰি অহা চাৰ্কাছখন বন্য জন্তু বিশেষকৈ হাতী, বান্দৰ, ভালুক আদিৰ খেলা বন্ধ কৰিবলগীয়া হোৱাৰে পৰা মালিকপক্ষ আৰ্থিকভাৱে ক্ষতিৰ সন্মুখীন হৈ আহিছিল। ফলত চাৰ্কাছখনত কৰ্মৰত কৰ্মচাৰীসকলক প্ৰদান কৰিবলগীয়া বকেয়া ধনৰ পৰিমাণ বৃদ্ধি পাবলৈ ধৰে।
ভূতৰ ওপৰত দানহ পৰা দি যোৱাৰ বৰ্ষৰ লকডাউনৰ পিছৰ পৰা চাৰ্কাছখনৰ মালিকপক্ষৰ আৰ্থিক সংকট আৰু গভীৰ হয় আৰু বেতন প্ৰদান কৰিবলৈ অসমৰ্থ হোৱা বুলি কৈ কৰ্মচাৰীসকলৰ বেতন দিয়া বন্ধ কৰি দিয়ে।
ইফালে কৰোনা মহামাৰীৰ বাবে ২০২০-২১ বৰ্ষতো চাৰ্কাছখন কোনো ঠাইতে প্ৰদৰ্শনী লাভ কৰা নাছিল।
ইয়াৰ পিছতে চাৰ্কাছখনৰ স্বত্বাধিকাৰীয়ে চাৰ্কাছখন বন্ধ কৰি দিয়াৰ সিদ্ধান্ত লয়। সৰুৰে পৰা চাৰ্কাছখনত কৰ্মৰত পাঁচ যুৱতীয়ে এই খবৰ লাভ কৰি তেওঁলোকৰ বেতনসহ বকেয়া ধন বিচাৰি স্বত্বাধিকাৰীৰ ঘৰলৈ আহে।
স্বত্বাধিকাৰীয়ে তেওঁলোকক বেতন আৰু বকেয়া ধন দিবলৈ অস্বীকাৰৰ কৰাৰ পিছতে উক্ত পাঁচ যুৱতীয়ে আট্টালিকাটোৰ পঞ্চম মহিলাৰ জঁপিয়াই আত্মহত্যাৰ কৰিবলৈ উদ্যত হয়।
অৱশ্যে আৰক্ষীয়ে স্থানীয় লোকৰ সহযোগত পাঁচ যুৱতীক আত্মহত্যা কৰাৰ পৰা ৰক্ষা কৰে।
অৱশেষত আৰক্ষীৰ হস্তক্ষেপত মালিকপক্ষই পাঁচ যুৱতীৰ বকেয়া ধনসহ বেতন প্ৰদান কৰিবলৈ বাধ্য হয়।
