বি পি এফৰ দুৰ্গত আঘাত হানি বৃহস্পতিবাৰে ওদালগুৰিত ৫২ গৰাকী দলটোৰ সদস্যই পদত্যাগ কৰি এ আই য়ু ডি এফত যোগদান কৰে।
এ আই য়ু ডি এফত যোগদান কৰা ৫২ গৰাকী সদস্যৰ ভিতৰত বি পি এফৰ ধনশিৰি ব্লকৰ সাংগঠনিক সংম্পাদক তিকাৰাম যোগী আৰু কাৰ্য্যালয় সম্পাদক জছ বাহাদুৰ চেত্ৰীও আছে।
বি পি এফক বিদায় জনাই এ আই য়ু ডি এফত যোগদান কৰা অনুষ্ঠানত বৰ্তমানৰ ৩৭ নং ধনশিৰি সমষ্টিৰ এ আই য়ু ডি এফ প্ৰাৰ্থী তথা বি টি চিৰ প্ৰাক্তন কাৰ্য্যবাহী সদস্য মিথাৰাম বসুমতাৰীও উপস্থিত আছিল।
‘‘বি পি এফ দলে ক্ষমতালৈ অহাৰ পূৰ্বৰে পৰা মই দলটোৰ হৈ সেৱা আগবঢ়াই গৈছিলো কিন্তু বিগত ১৫ বছৰত মই বহু তিতা অভিজ্ঞতাৰ সন্মুখিন হ’বলগীয়া হৈছো,’’ তিকাৰাম যোগীয়ে এ আই য়ু ডি এফত যোগদান কৰি কয়।
যোগীয়ে এ আই য়ু ডি এফত যোগদান কৰাৰ পাছতে ২০১৭-১৮ চনত বি টি চিত এ এন এম নাৰ্চৰ নিযুক্তি সন্দৰ্ভত বিশেষ অনুসন্ধান দাবী কৰে যোগীয়ে।