ৰামায়ণ, মহাভাৰতৰ পিছত দূৰদৰ্শনত আহি আছে শক্তিমান!

ৰামায়ণ, মহাভাৰতৰ পিছতে দূৰদৰ্শনত অতি শীঘ্ৰে আহি আছে ভাৰতীয় চুপাৰহিৰ’ ধাৰাবাহিক শক্তিমান।

শক্তিমানৰ মুখ্য অভিনেতা, পৰিচালক মুকেশ খান্নাই টুইটযোগে দেওবাৰে এই কথা সদৰী কৰিছে।

নব্বৈৰ দশকৰ শিশুসকলৰ মাজত বিশেষকৈ জনপ্ৰিয় ধাৰাবাহিকখন কেতিয়াৰ পৰা কোন সময়ত প্ৰচাৰ কৰা হ’ব সেয়া এতিয়াও প্ৰকাশ পোৱা নাই।

মুকেশ খান্নাই টুইটাৰত প্ৰকাশ কৰা মতে এই বিষয়ে অতি সোনকালেই তেওঁ প্ৰকাশ কৰিব।

130 crore Indians will together get the opportunity to watch Shaktiman on DD once again. Wait for the announcement. pic.twitter.com/MfhtvUZf5y

— Mukesh Khanna (@actmukeshkhanna) March 29, 2020

শনিবাৰৰ পৰা দূৰদৰ্শনৰ নেচনেলত ৰামায়ণ আৰু ডি ডি ভাৰতীত মহাভাৰতৰ সম্প্ৰচাৰ আৰম্ভ হৈছে।

দেশৰ তথ্য আৰু সম্প্ৰচাৰ বিভাগৰ মন্ত্ৰী প্ৰকাশ জাভাড়েকাৰে দুয়োখন ধাৰাবাহিকৰ পুনৰ সম্প্ৰচাৰৰ কথা ঘোষণা কৰিছিল।

শক্তিমানৰ পুনৰ সম্প্ৰচাৰৰ বিষয়ে অৱশ্যে এতিয়ালৈকে ঘোষণা কৰা হোৱা নাই।

দেশজোৰা লকডাউনৰ সময়ত অগণন লোকে চ’চিয়েল মিডিয়াত ’৯০ৰ ধাৰাবাহিককেইখন পুনৰ সম্প্ৰচাৰৰ বাবে অনুৰোধ জনাইছিল।

এনেদৰে অনুৰোধ জনোৱা তালিকাৰ ভিতৰত শক্তিমান, ব্যোমকেশ বক্সী, চী হকছ, কেপ্টেইন ভ্যোম আৰু চন্দ্ৰাকান্তা শীৰ্ষত আছে।