ক’ৰ’না ভাইৰাছৰ সংক্ৰমণ ৰোধৰ বাবে প্ৰধান মন্ত্ৰী নৰেন্দ্ৰ মোদীয়ে সমগ্ৰ দেশত ২১ দনীয়া ল’কডাউন ঘোষণা কৰাৰ ফলস্বৰূপে সমগ্ৰ দেশৰ লগতে মেঘালয়তো স্বাভাৱিক জীৱনযাত্ৰা ব্যাহত হৈ পৰিছিল।
অহা ১৪ এপ্ৰিলত দেশত ল’কডাউনৰ সামৰণি পৰাৰ পাছত ১৫ এপ্ৰিলৰ পৰা মেঘালয় চৰকাৰৰ চৰকাৰী কৰ্মচাৰী সকল কৰ্মক্ষেত্ৰলৈ উভতিব লাগিব বুলি নিৰ্দেশনা দিয়া হৈছে।
‘‘ৰাজ্যিক কেবিনেটে মেঘালয় চৰকাৰৰ চৰকাৰী কৰ্মচাৰী সকল ১৫ এপ্ৰিলৰ পাছত কৰ্মক্ষেত্ৰলৈ উভতিব লাগিব বুলি সিদ্ধান্ত গ্ৰহণ কৰা হৈছে,’’ মেঘালয়ৰ উপ-মুখ্য মন্ত্ৰী প্ৰেছট’ন টাইছঙে কয়।
আনহাতে, টাইছঙে ৰাজ্যখনৰ ব্যক্তিগত খণ্ডৰ কাৰ্য্যালয় সমূহ বন্ধ থাকিব বুলিও লগতে উল্লেখ কৰে।
উল্লেখযোগ্য যে, মেঘালয়ত বৰ্তমান চৰকাৰী খণ্ডৰ মাত্ৰ ৩০ শতাংশ কৰ্মচাৰীয়েহে কাৰ্য্যালয়লৈ আহি আছে আৰু বাকী ৭০ শতাংশ কৰ্মচাৰীয়ে প্ৰধান মন্ত্ৰী নৰেন্দ্ৰ মোদীৰ ল’কডাউনৰ আহ্বান মৰ্মে ঘৰত আৱদ্ধ হৈ আছে।
তদুপৰি, কিছু সংখ্যক কৰ্মচাৰীয়ে ঘৰৰ পৰা নিজৰ কাম কৰিছে বুলি জানিব পৰা গৈছে।
মেঘালয়ৰ লগতে অসমতো বহু সংখ্যক চৰকাৰী কৰ্মচাৰী ল’কডাউনৰ বাবে কৰ্মক্ষেত্ৰলৈ যাব পৰা নায়। ল’কডাউনৰ পাছত অসমত চৰকাৰী কৰ্মচাৰী সকলৰ ক্ষেত্ৰত কি সিদ্ধান্ত গ্ৰহণ কৰা হয় এতিয়ালৈ অসম চৰকাৰৰ তৰফৰ পৰা আনুষ্ঠানিকভাৱে প্ৰকাশ কৰা হোৱা নায়।
