প্ৰধান মন্ত্ৰী সাহায্য পুঁজিলৈ অইলে ৩৮ কোটি টকা মঙলবাৰে প্ৰদান কৰে৷ সমগ্ৰ ভাৰতবৰ্ষই নভেল ক’ৰ’না ভাইৰাছ (COVID19)ৰ বিৰুদ্ধে যুঁজি থকাৰ এই সংকটজনক সময়ত অইল ইণ্ডিয়া লিমিটেডৰ অধ্যক্ষ আৰু পৰিচালন সঞ্চালক সুশিল চন্দ্ৰ মিশ্ৰই এই কথা ঘোষণা কৰে।
অইল ইণ্ডিয়াই কয় যে, ভাৰতৰ দ্বিতীয় বৃহৎ ৰাষ্ট্ৰীয় অন্বেষণ আৰু উৎপাদন প্ৰতিষ্ঠান অইল ইণ্ডিয়া লিমিটেডে ইয়াৰ চি এচ আৰ পুঁজিৰ পৰা প্ৰধান মন্ত্ৰীৰ নাগৰিক সাহায্য আৰু জৰুৰীকালীন সাহায্য পুঁজি (PM CARES Fund) লৈ ৩৮ কোটি টকা আগবঢ়াইছে৷
লগতে, অইল ইণ্ডিয়া লিমিটেডৰ মুখ্য সতৰ্কতা বিষয়া আৰু স্বাধীন সঞ্চালক সকলকে ধৰি সকলো অইল কৰ্মচাৰীয়ে স্থানীয় লোকসকলক সহায় কৰাৰ উপৰি প্ৰধান মন্ত্ৰীৰ সাহায্য পুঁজিলৈ এদিনৰ দৰমহা প্ৰদান কৰিছে আৰু একে সময়তে দেশৰ বাবে অন্যতম অতি প্ৰয়োজনীয় খাৰুৱা তেল আৰু প্ৰাকৃতিক গেছ উৎপাদন কাৰ্যও অব্যাহত ৰাখিছে৷
অইলে সদায়ে দেশৰ স্বাৰ্থত শক্তিখণ্ডৰ নিৰাপত্তা সুনিশ্চিত কৰিবলৈ চেষ্টা কৰি আহিছে আৰু একে সময়তে জটিল আৰু প্ৰত্যাহ্বানপূৰ্ণ সময়ৰ সৈতে যুঁজঁ দিবলৈও সংকল্পবদ্ধ বুলি আজি এক প্ৰেছ বিজ্ঞপ্তি যোগে সংবাদমাধ্যমক জানিবলৈ দিছে৷
