ক’ৰ’না প্ৰতিৰোধৰ বাবে দেশত অব্যাহত থকা ল’কডাউনৰ মাজতে ৰাজ্যৰ সকলো সুৰা বিপণী, সুৰাৰ গুদাম, বটলিং প্লেট, সুৰাৰ উৎপাদন কাৰখাৰ আৰু চেৰাভাটি মকুলি কৰিবলৈ ৰাজ্য চৰকাৰে অনুমোদন জনাইছে।
অতিৰিক্ত আৱকাৰী আয়ুক্ত(ভাৰপ্ৰাপ্ত) এছ. কে. মেধিয়ে পত্ৰ নং I-১৯০/২০১৪-১৫/পিটি-l/৪০২ ৰাজ্যৰ সকলো জিলাৰ উপায়ুক্তলৈ প্ৰেৰণ কৰা পত্ৰখনত অহা ১৩ এপ্ৰিলৰ পৰা ৰাজ্যত পুৱা ১০ বজাৰ পৰা সন্ধিয়া ৫ বজালৈ সুৰা বিপণীৰ লগতে সুৰাৰ গুদাম, উৎপাদন কৰা কাৰখান তথা চেৰাভাটিসমূহ খোলা থাকিব বুলি উল্লেখ কৰিছে।
অনজ্ঞাপত্ৰ লব্ধ সকলো সুৰা বিপণী, সুৰাৰ গুদাম, বটলিং প্লান্ট, সুৰাৰ উৎপাদন কাৰখাৰ আৰু চেৰাভাটিত ৰাষ্ট্ৰীয় স্বাস্থ্য মিছন, অসমে জাৰি কৰা সামাজিক দূৰত্ব বৰ্তাই ৰখাৰ বিধান কঠোৰ ভাৱে মানি চলিব লাগিব কোৱা হৈছে পত্ৰখনত।
ইয়াৰ উপৰি সুৰাপায়ী গ্ৰাহকেও মানি চলিব লাগিব সামাজিক দূৰত্ব। কোনো গ্ৰাহকে জুম বান্ধিব নোৱাৰিব সুৰাৰ বিপনীৰ সন্মুখত। সকলোৱেই ১ মিটাৰ দূৰত্বত অৱস্থান গ্ৰহণ কৰিব লাগিব।
আনহাতে সুৰা বিপনীৰ দোকানীয়ে গ্ৰাহকক সুৰা ক্ৰয়ৰ পূৰ্বে চেনিটাইজাৰ যোগান ধৰিব লাগিব।
এখন ঘৰৰ এজন সদস্যহে সুৰা ক্ৰয়ৰ বাবে যাবলৈ নিৰ্দেশ দিয়া হৈছে আৱকাৰী বিভাগৰ দ্বাৰা।
এই নিৰ্দেশনা মানি নচলিলে আবকাৰী বিভাগে বিপনীৰ অনুজ্ঞাপত্ৰ কৰ্তন কৰিব বুলি সদৰী কৰিছে।
কাইলৈৰ পৰা চুবুৰীয়া ৰাজ্য মেঘালয়তো খোলা থাকিব সুৰা বিপনী।
উল্লেখ্য যে, প্ৰখনত উল্লেখ কৰা নিৰ্দেশনা মানি সংশ্লিষ্ট সকলো পক্ষই মানি চলিব লাগিব।
