‘টোলগেট মুকলি, পেট্ৰ’ল ডিজেলৰ মূল্যবৃদ্ধি নিয়ন্ত্ৰণহীণতা অসম চৰকাৰৰ প্ৰধান ব্যৰ্থতা।‘ নৰ্থ-ইষ্ট নাওলৈ প্ৰেৰণ কৰা এক প্ৰেছ বিজ্ঞপ্তিৰ জৰিয়তে পেট্ৰ’ল-ডিজেলৰ মূল্য বৃদ্ধিৰ পাছতে এনেদৰে প্ৰতিক্ৰিয়া প্ৰকাশ কৰিছে অনুসূচিত জাতি যুৱ ছাত্ৰ পৰিষদৰ সভাপতি ৰুবুল দাসে।
‘ল’কডাউনে সমগ্ৰ দেশৰ লগতে আমাৰ ৰাজ্যখনৰ অৰ্থনৈতিক ব্যৱস্থা বিধ্বস্ত কৰি যোৱাৰ সময়ত যি মূহুৰ্ত্বত অসমৰ বহুসংখ্যক জনসাধাৰণে এসাজ ভাতৰ বাবে হাহাকাৰ কৰিবলগীয়া হৈছে। এনেসময়ত ৰাজ্য চৰকাৰে ল’কডাউনৰ সমস্যাৰ জোৰা তাপলি মাৰিবৰ বাবে পেট্ৰ’ল ডিজেলৰ মুল্যবৃদ্ধী কৰি দিয়া, ৰাজ্যৰ তিনিখনকৈ টোলগেট মুকলি কৰি দিয়া আদি বিষয়বিলাকে অসমৰ জনসাধাৰণক যথেষ্ট মনোকষ্ট দিয়াৰ লগতে খেতিয়কসকলক বিশেষকৈ খেতি পথাৰত পানি দিয়াৰ ক্ষেত্ৰত পেট্ৰ’ল ডিজেলৰ মুল্যবৃদ্ধি কৰি মাধমাৰ সোধাইছে।‘ বিজ্ঞপ্তিত কোৱা হয়।
ইপিনে, অসমৰ জনসাধাৰণে এই সংকটময় সময়ত মুখ্য মন্ত্ৰী সাহাৰ্য্য পুঁজি, আৰোগ্য নিধি পুঁজিলৈ কোটি-কোটি টকা বৰঙণি আগবঢ়াই অহাৰ পিছতো জনসাধাৰণৰ ওপৰত মাধমাৰ সোধাবৰ বাবেই নভবা নিচিন্তাকৈ পেট্ৰ’ল ডিজেলৰ ওপৰত মুল্যবৃদ্ধী কৰি আৰু টোলগেট খুলি দিয়া আদি কথাবিলাক অনুসূচীত জাতি যুৱ ছাত্ৰ পৰিষদে কেতিয়াও সহজভাবে গ্ৰহণ নকৰে বুলি তেওঁ কয়।
যদি টোলগেট বন্ধ কৰা নহয়, পেট্ৰ’ল ডিজেলৰ মূল্যবৃদ্ধী হ্ৰাস কৰা নহয় তেন্তে তলাবন্ধৰ সময়তো সংগঠনটোৰ সদস্যসকলৰ লগত জনসাধাৰণে নিজৰ নিজৰ ঘৰত থাকি ব্যাপকধৰণে ধৰ্মঘট, ধৰ্ণা আদি কাৰ্যসূচী ৰূপায়ণ কৰি আন্দোলন কৰিবলৈ বাধ্য হ’ব বূলি দাসে চৰকাৰক সকিয়াই দিয়ে।
আনহাতে বিজ্ঞপ্তিত পৰিষদৰ সাধাৰণ সম্পাদক কমলাকান্ত দাসে কয়, ‘বৰ্তমান সময়ত চৰকাৰে খাদ্য সামগ্ৰী যোগান ধৰিবৰ বাবে শাক পিচলি, মাছ মাংস, যোগান দিবৰ বাবে বিভিন্ন ব্যৱসায়ীকবিলাকক যদিও অনুমতি প্ৰদান কৰিছে, যোগান বিভাগৰ নিয়ন্ত্ৰণহীণতাৰ বাবেই বজাৰসমূহত এতিয়া জনসাধাৰণে বয় বস্তু ক্ৰয় কৰিব গ’লে আকাশলংঘী মূল্যৰ সন্মুখীন হ’ব লাগে ।‘
তদুপৰি ৰাজ্যত এতিয়াও প্ৰচুৰ পৰিমাণে চাউল দাঈল, আলু, পিয়াঁজ, কেচা শাক পাচলি মজুত আছে বুলি মুখ্য মন্ত্ৰীয়ে উল্লেখ কৰি অহাৰ পাছতো তেনে অবস্থাত কি কাৰণত বজাৰসমূহত প্ৰতিটো বয় বস্তুৰে আকাশলংঘী মুল্যবৃদ্ধী হৈছে বুলি প্ৰশ্ন কৰি এই ক্ষেত্ৰত ৰাজ্য চৰকাৰক কঠোৰ ব্যবস্থা গ্ৰহণ কৰিবলৈ পৰিষদৰ সাধাৰণ সম্পাদকে দাবী জনায়।
