আমেৰিকাৰ ৰাষ্ট্ৰপতি ড’নাল্ড ট্ৰাম্পৰ জীয়ৰী ইভাঙকা ট্ৰাম্পৰ ব্যক্তিগত সহায়ক গৰাকীৰ শৰীৰত ধৰা পৰিছে কোভিড১৯ৰ উপস্থিতি।
শনিবাৰে সংবাদ প্ৰতিষ্ঠান চিএনএনএ প্ৰকাশ কৰিছে এই বাতৰি।
চিএনএনৰ বাতিৰ মতে ব্যক্তিগত সহায়িকাগৰাকীয়ে দুমাহ ধৰি টেলিৱৰ্কিঙৰ কাম কৰিছিল।
সাৱধানতা অৱলম্বনৰ বাবে তেওঁৰ স্বাস্থ্য পৰীক্ষা কৰা হৈছিল আৰু পৰীক্ষাত কোভিড১৯ পজিটিভ পোৱা গৈছে।
সহায়িকাগৰাকী শৰীৰত কোভিড১৯ৰ কোনো লক্ষণে দেখা দিয়া নাছিল।
ইফালে ইভাংকা আৰু তেওঁ স্বামীৰ স্বাস্থ্য পৰীক্ষাত কোভিড১৯ নিগেটিভ পোৱা গৈছে।
ৰাষ্ট্ৰপতি ট্ৰাম্পে নিশ্চিত কৰিছে আমেৰিকাৰ যে উপ ৰাষ্ট্ৰপতি মাইক পেন্সৰ প্ৰেছ সচিব কাইটী মিলাৰৰো শৰীৰটো কোভিড১৯ পজিটিভ পোৱা গৈছে।
‘তেওঁ এগৰাকী সুন্দৰী যুৱতী মহিলা, কাইটী, দীৰ্ঘদিনৰ বাবে খুব ভাল পৰীক্ষা কৰিছিল আৰু তাৰপাছত হঠাৎ আজি পজিটিভ পোৱা গৈছে।’ ট্ৰাম্পে কয়।
ট্ৰাম্পে কয় মিলাৰে তেওঁৰ সংস্পৰ্শলৈ অহা নাছিল কিন্তু পেন্সৰ সৈতে সময় অতিবাহিত কৰিছিল।
উল্লেখ্য যে, ট্ৰাম্পৰ এগৰাকী পুৰুষ কৰ্মচাৰীৰ শৰীৰত যোৱা বৃহস্পতিবাৰে কোভিড১৯ পজিটিভ পোৱা গৈছিল।
ট্ৰাম্পে জনায় যে ইয়াৰ পিছৰ পৰাই তেওঁৰ নিজৰ দৈনিক কোভিড১৯ৰ পৰীক্ষা কৰি অহা হৈছে।
হোৱাইট হাউছৰ এগৰাকী শীৰ্ষ বিষয়াই কয় যে ইতিমধ্যে হোৱাইট হাউছত কন্টেক ট্ৰেছিঙ আৰম্ভ কৰা হৈছে।
