প্ৰধান মন্ত্ৰী কিষাণ সন্মান নিধি নামৰ চৰকাৰী আঁচনিখনৰ পিছত এইবাৰ যোৰহাট জিলাৰ টীয়কত ১০০০ টকীয়া অনুদানত কেলেংকাৰি সংঘটিত হোৱা বুলি অভিযোগ উত্থাপন হৈছে।
ইতিমধ্যে মধ্য যোৰহাট উন্নয়ন খণ্ডৰ ২৩ নং মধ্য হোলোঙাপাৰ পঞ্চায়তৰ প্ৰতিনিধিৰ বিৰুদ্ধে গোচৰ ৰুজু কৰিছে একাংশ সচেতন লোকে।
উল্লেখ্য যে লকডাউনৰ ফলত আৰ্থিকভাৱে সংকটত ভোগা ৰাজ্যৰ ৰেশ্যন কাৰ্ড নথকা ব্যক্তিসকলক চৰকাৰে পঞ্চায়ত সমূহৰ জৰিয়তে ১০০০ টকাকৈ প্ৰদান কৰাৰ ঘোষণা কৰিছিল।
কিন্তু ২৩ নং মধ্য হোলোঙাপাৰ পঞ্চায়তৰ ১নং ৱাৰ্ডৰ দুজন ৰেচন কাৰ্ড থকা ব্যক্তিক প্ৰদান কৰে চৰকাৰী অনুদানৰ ১০০০ টকাকৈ।
পৰৱৰ্তী সময়ত এই কথা পোহৰলৈ অহাত অঞ্চলটোৰ সচেতন ব্যক্তি ধৰণী চেতিয়াই লাহদৈগড় আৰক্ষী চকীত তথ্য সহ গোচৰ ৰুজু কৰে।
আৰক্ষীয়ে ১২০(B) ,৪২০, ৪০৬ , ৪০৯ ধাৰাত গোচৰ পঞ্জীয়ন কৰে।
পঞ্চায়তৰ সভাপতি আৰু সচিবৰ বিৰুদ্ধে লাহদৈগড় আৰক্ষী চকীত এই গোচৰ ৰুজু কৰা হৈছে আৰু আৰক্ষীয়ে ইতিমধ্যে ঘটনাৰ তদন্ত আৰম্ভ কৰা বুলি জানিব পৰা গৈছে।
