ট্ৰাক আৰু বাছৰ সংঘৰ্ষত ৮ গৰাকী প্ৰৱাসী শ্ৰমিক নিহত : আহত ৫০ গৰাকী

ট্ৰাক আৰু সংঘৰ্ষত অতি কমেও ৮ জন শ্ৰমিক নিহত হোৱাৰ লগতে ৫০ জন শ্ৰমিক আহত হৈছে।

সংবাদ প্ৰতিষ্ঠান এন আই এৰ বাতৰি মতে মধ্য প্ৰদেশত সংঘটিত হৈছে এই শোকাৱহ দুৰ্ঘটনাটো।

মহাৰাষ্ট্ৰত কৰ্মৰত প্ৰৱাসী শ্ৰমিকসলে ট্ৰাকেৰে উত্তৰ প্ৰদেশৰ নিজ গৃহলৈ উভতি আহি থাকোতে কান্ট আৰক্ষী থানাৰ অন্তৰ্গত গোনাত বুধবাৰে নিশা এখন বাছৰ সৈতে খুন্দা মৰাৰ ফলত দুৰ্ঘটনাটো সংঘটিত হয়।

Madhya Pradesh: 8 labourers dead & around 50 injured after the truck they were travelling in, collided with a bus in Cantt PS area in Guna last night. Injured persons shifted to district hospital.All the 8 killed labourers were going to their native places in UP from Maharashtra. pic.twitter.com/OaB9SCLpjY

— ANI (@ANI) May 14, 2020

দুৰ্ঘটনাটোত ৮ জন শ্ৰমিক নিহত হোৱাৰ লগতে ৫০ জন শ্ৰমিক আহত হয়।

আহত শ্ৰমিকসকলক ইতিমধ্যে সমীপৰ চিকিৎসালয়ত ভৰ্তি কৰা হৈছে।

উল্লেখ্য যে যোৱা বুধবাৰেও পঞ্জাৱ আৰু বিহাৰৰ পৰা ঘৰলৈ উভতাৰ পথত উত্তৰ প্ৰদেশৰ মুজাফানগৰত সংঘটিত এক পথ দুৰ্ঘটনাত ৬ জনকৈ প্ৰৱাসী শ্ৰমিকে প্ৰাণ হেৰুৱাৰ লগতে অন্য চাৰিজন শ্ৰমিক আহত হৈছিল।

ইফালে দেশৰ বিভিন্ন প্ৰান্তৰ পৰা গৃহ ৰাজ্যলৈ উভতি অহাৰ পথত মধ্য প্ৰদেশত উত্তৰ প্ৰদেশৰ ৮ জনকৈ প্ৰব্ৰজিত শ্ৰমিকে ইতিমধ্যে প্রাণ হেৰুৱাইছে।

ল’কাডাউনৰ ফলত সমগ্ৰ দেশৰ প্ৰৱাসী শ্ৰমিকসকলে গৃহ ভূমিলৈ প্ৰত্যাৱৰ্তন কৰাৰ ফলত ৰাজপথত অত্যধিক ভিৰৰ সৃষ্টি হৈছে।

আৰু ইয়াৰ ফলতে দুৰ্ঘটনাটোবোৰ সংঘিটত হৈছে বুলি ধাৰণা কৰা হৈছে।

উল্লেখ্য যে ল’কডাউনৰ পৰিপ্ৰেক্ষিতত দৈনিক প্ৰায় ২৫ হাজাৰ প্ৰৱাসী শ্ৰমিকে ৰাজপথেৰে পদব্ৰজেৰে নিজ গৃহাভিমুখী যাত্ৰা কৰি আছে।