আঠবছৰীয়া ক’ভিড-১৯ আক্ৰান্ত ল’ৰা এজনৰ দেহত ভাৰতত প্ৰথমবাৰৰ বাবে দেখা দিছে কাৱাছাকি ছিন্দ্ৰমে।
সৌভাগ্যক্ৰমে দুসপ্তাহৰ চিকিৎসাৰ অন্তত ল’ৰাজনে সম্পূৰ্ণৰূপে আৰোগ্য লাভ কৰিছে।
বাতৰি মতে, চেন্নাইৰ এই ল’ৰাজনৰ শৰীৰত ক’ভিড-১৯ৰ সৈতে সম্পৰ্কিত হাইপাৰ-ইনফ্লেমেটৰি ছিন্দ্ৰমে দেখা দিছিল।
এই ছিন্দ্ৰমৰ ফলত গুৰুত্বপূৰ্ণ অংগসমূহকে ধৰি সমগ্ৰ দেহতে প্ৰদাহে/ ইনফ্লেমেচনে দেখা দিয়ে আৰু ফলত ই বহু অংগ বিকল হোৱাৰ দিশলৈ লৈ যায়।
কাৱাছাকি ছিন্দ্ৰম (ৰক্ত পৰিবাহী শিৰাত প্ৰদাহ) আৰু টক্সিক শ্বক ছিন্দ্ৰমে (কোনো জীৱাণুৰ অধিক বৃদ্ধিৰ ফলত শৰীৰত টক্সিন সৃষ্টি) দেখা দিয়া ল’ৰাজনক আই চি উত ভৰ্তি কৰোৱা হৈছিল।
ক’ভিড-১৯ আক্ৰান্ত ল’ৰাজনক জটিল অৱস্থাত চেন্নাইৰ কাঞ্চি কামাক’তি চাইল্ডছ ট্ৰাষ্ট হস্পিটেলত ভৰ্তি কৰোৱা হৈছিল।
বাতৰি মতে, intravenous immunoglobulin আৰু tocilizumabৰ জৰিয়তে ক’ভিড-১৯ পজিটিভ ল’ৰাজনৰ সফলতাৰে চিকিৎসা সম্পন্ন হয়।
